Autoritetet Kosovare, të cilat janë duke shqyrtuar kërkesën për azilin e Albert Veliut ose siç njihet me nofkën “Babalja”, i janë drejtuar Shqipërisë, për të marrë të dhëna rreth këtij personi. Një burim pranë Prokurorisë së Përgjithshme tha se pala kosovare ka shfaqur interes dhe kërkon të dije lidhur me çështjen penale që prokuroria ka nisur për trafik droge dhe kallëzim të reme, ku dëshmitar kryesor është i arrestuari në Kosovë Albert Veliu. Mësohet se këtij të fundit pala Kosovare i ka kërkuar dhe dëshminë e penalitetit. Informacion është kërkuar nga ministria e Brendshme dhe Policia e Shtetit, duke saktësuar nëse këto të fundit kanë rregjistruar ndonjëherë ndonjë ankesë të Veliut se në Shqipëri i rrezikohet jeta nga idividë të ndryshëm. Pritet që të gjitha këtyre kërkesave, institucionet shqiptare ti drejtohen me përgjigje konkrete,duke sqaruar situatën e çështjes penale dhe mbrojtjen e këtij dëshmitari. Vetë Veliu, ka deklaruar në media se policia i ka ofruar mbrojtje fizike atij por kjo kërkesë është mohuar prej tij, pasi siç ka deklaruar Veliu, ai nuk i kishte borxh askujt dhe s’kishte pse të mbrohej.
“Do më vrasin nëse më ktheni Shqipëri”
Autoritet në Prishtinë kanë marrë në pyetje "Bashkëpunëtorin X" të PD, Albert Veliun 24 orë pasi ai kërkoi azil në Kosovë. Një burim nga Ministria e Punëve të Brendshme të Kosovës që shqyrton kërkesat për azil i tregoi çfarë ka deklaruar Albert Veliu. “Kam frikë për jetën. Nëse me ktheni në Shqipëri do të më vrasin”. Ky ka qenë deklarimi Albert Veliut që përbën edhe bazën e kërkesës për azil. Së bashku me të birin ai është duke u mbajtur në qendrën e azil kërkuesve. Drejtoria për Migrim dhe të Huaj në Policinë e Kosovës është duke shqyrtuar kërkesën për azil të Albert Veliut, nëse ajo është në përputhje me nenin 5 të ligjit “Për azilin në republikën e Kosovës ku thuhet se: “Republika e Kosovës mund t’ju japë mbrojtjen e përkohshme personave që duhen mbrojtur, për aq kohë sa ata i ekspozohen një rreziku të përgjithshëm të rëndë”. Ligji për azilin në Kosovë parashikon që aplikantit për azil, t'i jepet një përgjigje gjashtë muaj që nga dita e paraqitjes së kërkesës.
Bashkë me të birin
Paraditen e të Hënës, Veliu së bashku me të birin, u ndaluan gjatë një kontrolli normal në zonën e Shtimjes në afërsi të Prishtinës. Rezultoi se ata nuk e kishin kaluar kufirin mes Shqipërisë dhe Kosovës në mënyrë të rregullt. Hetimet paraprake të policisë së Kosovës kanë zbuluar se Albert Veliu dhe i biri nuk figuronin të riregjistruar në sistemin e kufirit si në atë të Kosovës dhe TIMS në Shqipëri. Kaq ka mjaftuar për policinë e cila ka njoftuar menjëherë prokurorin e gatshëm në Prokurorinë e Prishtinës e cila ka urdhëruar arrestimin e tyre. Ndaj tyre është ngritur akuza për kalim të jashtëligjshëm kufiri. Po ashtu prokurori i ngarkuar për këtë çështje e ka kërkuar arrestimin edhe për shkak të dyshimeve të tjera. Menjëherë pas arrestimit Veliu i ka deklaruar prokurorit të çështjes se kërkon azil politik.
Lajme të tjera
-
Apeli zbardhi vendimin, Ervin Salianji reagon nga Burgu i Fierit: Gjykata na mëson se si bëhet politikë, asnjë provë dhe argument ligjor! 50 ditë në burg me urdhër të Ramës
18 Nëntor, 11:42 -
Fitorja e Trump/ Salianji letër nga qelia: Triumfi i tij ishte i jashtëzakonshëm! Edhe në Shqipëri ka sulme dhe tentativa për të asgjësuar kundërshtarin
17 Nëntor, 12:23 -
Ervin Salianji reagon nga Burgu i Fierit: Skandal, Spiropali nuk dërgon në SPAK hetimin e TIMS! Ndaj më burgosën, kamikaze e Ramës
14 Nëntor, 09:31 -
U dënua për ‘Babalen’/ Denoncimi i Bardhit: Skandal, Gjykata e Apelit po vonon zbardhjen e vendimit ndaj Ervin Salianjit! Po pengohet rekursi, regjim totalitar
11 Nëntor, 12:52 -
‘Reagim nga kabina telefonike e Burgut të Fierit!’, Ervin Salianji për aksidentimin e 8-vjeçarit në Peqin dhe protestën e banorëve: Jeta në këtë vend është zhvlerësuar!
8 Nëntor, 16:43 -
Atentati i Shkodrës/ Salianji letër nga qelia: Qeveria i shkel syrin kriminelëve për kalkulime elektorale! Ne do çmontojmë bandat dhe çdo pupac që i shërben atyre
31 Tetor, 17:25 -
Salianji letër nga burgu i Fierit eurodeputetëve e ambasadave në Tiranë: Unë i burgosur politik, më asgjësoi Rama për zgjedhjet 2025! Mbrojti trafikantin e drogës
29 Tetor, 11:46 -
Ilir Meta viziton Salianjin: Burgu politik vetëm e ndez frymën e ndryshimit
15 Tetor, 21:13 -
Ervin Salianji do vuajë 1 vit burg! Gjykata e Lartë refuzon pezullimin e dënimit për ish-deputetin e PD, i dënuar për kallëzim të rremë në dosjen 'Babale'
15 Tetor, 14:44
-
Tre deputetët e PD takojnë në burgun e Fierit, Ervin Salianjin
14 Tetor, 15:20 -
'Mbro institucionet' nga Pushteti dhe Dhuna
10 Tetor, 08:40
-
U dënua me burg për 1 vit/ Salianji tërhiqet nga kërkesa për shtyrje të ekzekutimit të dënimit në Gjykatën e Tiranës
9 Tetor, 10:20
