POP 5

Lajmet më të lexuara të 5 minutave të fundit

Politikë

‘Babalja’, Balla ironi me Bashën: Ç’bëhet kështu, as Al Pacino nuk merrte 200 mijë euro për një puntatë xhirimi

Kryetari i grupit parlamentar të Partisë Socialiste, Taulant Balla, ironizon Lulzim Bashën, se me 200 mijë eurot që do të paguhej Albert Veliu dhe Fredi Alizoti, nuk paguhet as Al Pacino.
‘Babalja’, Balla ironi me Bashën: Ç’bëhet kështu, as Al Pacino nuk merrte 200 mijë euro për një puntatë xhirimi

Kryetari i grupit parlamentar të PS, Taulant Balla dhe kryedemokrati Lulzim Basha

Kryetari i grupit parlamentar të Partisë Socialiste, Taulant Balla, ka reaguar pas daljes së përgjimeve ku thuhet se audio-përgjimi Babale, i Albert Veliut, është montuar.

Balla ironizon kryetarin e Partisë Demokratike, Lulzim Basha, se me 200 mijë eurot që do të paguante Albert Veliun dhe kunatin e tij, Fredi Alizoti, nuk është paguar as aktori Hollyëood-ian, Al Pacino për një puntatë xhirim.

Reagimi i Taulant Ballës:

Po ç’bëhet kështu mor Lulzim , 200 mijë 

 Babalja dhe kunati për një puntatë xhirim  ?! Apo ti sa herë bëhet fjalë për kunatin bëhesh dorëlëshuar.

 Aktorë të shtrenjtë paske gjetur. Edhe Al Pacino nuk merrte 200 mijë Euro për një puntatë xhirim. 

E degradove Partinë Demokratike në një kinostudio babalesh.

Sot Report Tv, ka publikuar detaje nga dosja hetimore, Babale 1.  Në dosjen hetimore të Prokurorisë së Krimeve të Rënda përfshihen 340 faqe përgjime te Albert Veliut i njohur ndryshe si "Babalja" me kunatin e tij, Fredi Alizoti, pasi kishin realizuar audiopërgjimin e pretenduar të Agron Xhafajt, vëllait të ministrit të Brendshëm Fatmir Xhafaj. Nga përgjimet del se mes protagonistëve bisedohet për pazare parash, në vlera që shkojnë deri në 200 mijë euro.

Dy ditë më parë Prokuroria e Krimeve të Rënda urdhëroi arrestimin e "Babales" dhe kunatit të tij Fredi Alizoti të cilët akuzohen për kallëzim të rremë. Ka qenë pikërisht kunati i Babales ai i cili ka imituar zërin e Agron Xhafajt, vëllait të ministrit të Brendshëm, Fatmir Xhafaj si i implikuar në një linjë trafiku kanabisi drejt Italisë. Ndërsa për gazetarin Jetmir Olldashi, Prokuroria vendosi detyrim paraqitje.

Masat e Prokurorisë së Krimeve të Rënda erdhën pas mbërritjes së përgjigjes së ekspertizës së audiopërgjimit nga një laborator në Britaninë e Madhe nga ku ka rezultuar se materiali është i montuar dhe nuk kemi të bëjmë me zërin autentik të Agron Xhafajt.  

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49