Z.President, në shtëpinë tonë Shqipëri, në shtëpinë tuaj Institucioni Presidentit, mbrëmë patët një darkë me miq amerikan, të huaj e të shqiptarizuar si z.Lu. Në media sot nuk ka munguar "Baftjari" versioni tallava në darken zyrtare.

Po Laver Bariu, Irini Qirjako, djemtë e Vjosës, Violina e Qerimve, Bujar Qamili, e shumë e shumë ikona të muzikës qytetare me vlera, ç’ti themi sot? Rinia po i harron ose si ka dëgjuar akoma, Tv dhe Radio si promovon, të huajve në vend të tyre u luajmë "Baftjarin" !!!

Z.Meta, meqenëse ky është komunikimi i parë me ju në publik, uroj që kolegu im Tedi Blushi ta përcjellë këtë. Nuk është kritik, por besoj që edhe ju si unë, jeni i bindur se "baftjari"  nuk është një këngë apo ritëm unifikues mes shqiptarëve.

Është një këngë për ceremoni private të cdo familje apo fisi, gotë rakie e udhëtime beqarie, por aspak përfaqësues të tryezës së kombit.

Nëse ju keni një argument bindës që "baftjari" është mbi ikonat që na ka falur zoti, mbetem i lutur ta dëgjoj. Më ndjeni por Jeni edhe Presidenti im.