Bajram Begaj mban fjalim në Presidencë: Do jem shërbëtor i popullit tim! Sot më shumë se kurrë kërkohet unitet dhe bashkëpunim i klasave politike

 

Bajram Begaj ka mbajtur fjalim në Presidencë pasi mori detyrën si kreu i ri i shtetit.

“Dëshiroj të falenderoj presidentin Meta për përmbushjen e detyrës, komunikimin që patëm gjatë kohës që patëm kur ushtrova detyrën e shefit të Shtabit të Përgjithshëm dhe kur po bëhej transferimi i detyrës. Për mua sot është ditë e veçantë. Pa dyshim është dita më e rëndësishme e jetës time. Jam para jush dhe ju drejtohem me nderin e privilegjin më të madh, atë të presidentit të Republikës.

LEXO EDHE:
Meta në Vlorë: ‘Nëndetësja 105’ është kthyer në bazë, Sazani do jetë aty ka qenë jetë e mot

Ky besim më ngarkon me përgjegjësinë më të madhe ndaj qytetarëve të kombit tim, ndaj partnerëve të Shqipërisë dhe ndaj miqve të familjes sime, sot u betova për besnikërinë ndaj kushtetutës, për të mbrojtur pavarësinë e Shqipërisë dhe për ti shërbyer përparimit të popullit shqiptar. Do jem shërbëtor i popullit tim, përfaqësues i unitetit kombëtar. Do të jem mbështetës i palëkundur i rrugëtimit euro-atlantik për të gjithë shqiptarët e Shqipërisë, Kosovës, Maqedonisë së Veriut, Malit të Zi, Luginës së Preshevës.

Fo jem kontribues dhe përkrahës i komunikimit dhe bashkëpunimit. Të garantosh zbatimin e kushtetutës nënkupton garantimin e ligjit edhe për luftën kundër krimit të organizuar. Sot më shumë se kurrë kërkohet unitet dhe bashkëpunim i klasave politike”, tha Begaj.

Lajmi kryesor:

Betohet Presidenti Bajram Begaj, merr detyrën: Interesi i vendit udhërrëfyesi im i vetëm, duhet unitet! Siguria kombëtare, një prioritet gjatë mandatit tim

A.M./Sh.Sh/Shqiptarja.com

TAG:
• Kuvendi i Shqiperise
• Presidenca
• betohet Bajram Begaj
• Ilir Meta