POP 5

Lajmet më të lexuara të 5 minutave të fundit

Sociale

Bakllava në shtëpi apo në pastiçeri? Shqiptarët ‘besnik’ ndaj traditës! Diferencë e ulët çmimi, tregtarët: Preferohet me arra

Bakllavaja mbetet ende një ndër ëmbëlsirat në të preferuara për familjet shqiptare për festat e fundvitit. Shumë zgjedhin ta bëjnë vetë në shtëpi, e të tjerë ta marrin në pastiçeri, mjafton që ky produkt tradicional të mos mungojë në tryezat e tyre natën e ndërrimit të viteve.

Që festat e fund vitit të marrin kuptim të plotë, duhet që në tryezë të jetë e vendosur dhe bakllavaja, traditë e vjetër shqiptare.

Disa familje zgjedhin ta blejnë e disa ta bëjnë vetë.

Për një bakllava tradicionale të përgatitur në shtëpi, duhen 10 kokrra vezë, 1 kg miell, 2 kg arra, 1 kg gjalpë, 1 gotë vaj, një gotë qumësht dhe 1 gotë kos. Ndërsa për sherbetin 1 kg e gjysmë sheqer dhe 1 litër ujë.

“Produktet që shërbejnë për përgatitur një bakllava tradicionale në shtëpi kushtojnë 28 mijë lekë të vjetra”, tha shitësja. 

Për ata që zgjedhin që bakllavanë ta kenë gati ëmbëlsirën e festave, pastiçeritë kanë nisur prodhimin që në fillim të muajit dhjetor. Më e preferuara mbetet ajo me arra.

“Preferohen më shumë bakllavatë me arra, por edhe me pistakio. Kemi filluar që në fillim të muajit dhjetor me shitjet e bakllavave. Tepsitë mesatare shkojnë 25 e sipërm 10 mijë lekë kg shkon bakllavaja tradicionale. Tepsia mesatare shkon 32 mijë lekë. Duhen dy ditë që të përgatitet një bakllava”, tha pastiçeria.

Nga një vëzhgim i Report Tv rezulton se pavarësisht rritjes së kostos, pjesa dërrmuese e familjeve shqiptare do ta kenë këtë ëmbëlsirë tradicionale në tryezë, e të tjerë do të zgjedhin lloje të tjera, kryesisht kadaifin për të ëmbëlsuar natën e ndërrimit të viteve.

G.MO/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët

Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët

18 Dhjetor, 12:40