Një ditë pas vrasjes së 20 vjeçarit Musaen Zeneli nga përplasja me armë në Velipojë në ditën e parë të punës së tij si kamarier, kolegët e tij në Shkodër ndërmorën një iniciativë për të mbledhur bakshishe të kamarierëve si ndihmë për familjen Zeneli, e cila jeton në kushte të vështira ekonomike.
Kamarieri Rehyl Toska ndër më të vjetrit në këtë profesion në Shkodër, i cili ishte nismëtari i iniciativës në një intervistë për Report Tv tha se solidarizimi ka qenë i madh dhe se deri më tani janë mbledhur më shumë se 2 milion lekë të vjetra.
"Mbi 2 mln lekë të vjetra janë mbledhur, e kanë pritur shumë mirë kolegët këtë nismë. Ka pasur shumë reagime të shumta, të gjithë kanë ndihmuar por jo politika. Në kohë fushatash marrin shumë nisma por në këtë rast nuk reagon askush", tha kamarieri.
E ëma e Musaenit, Anila Zeneli e ka pritur shumë mirë këtë nismë. Madje siç tregon Rehyl Toska i cili e përshkruan të ëmën e Musaenit si një grua shumë të fortë, thotë se ajo e ka pritur në shtëpi për ta falenderuar për këtë nismë që ka ndërmarrë. Kamarieri Toska nënvizon se familja Zeneli është në gjendje shumë të vështirë ekonomike dhe se kjo nismë nuk duhet të ndalet.
"Ajo më ka pritur në shtëpi është një grua shumë e fortë, më ka pritur tepër mirë. E kam marrë këtë nismë për respekt të atij djali, që iu ndërpre jeta. Kolegët e kanë pritur shumë mirë më kanë përgëzuar për nismën. Me aq sa kanë mundësi më kanë përkrahur, se dihet sa mundësi ka një kamarier në vendin tonë. Gjendja e familjes Zeneli është shumë e varfër. Të mos e ndalojmë këtë nismë që kam marrë", tha Toska.
Teksa shton se këtë nismë e ka ndërmarrë në respekt të familjes Zeneli, Toska tregon dhe kohën kur ai e ka nsiur punën si kamarier në moshën 16 vjeçare. Në atë kohë thotë se ka marrë bakshishe nga babai i Musaenit, Enver Zeneli i cili është ndarë nga jeta 11 vite më parë pasi është mbytur në Drin. Këto bashkishe që ka marrë nga babai i Musaenit, Rehyl Toska thotë se do që t'ja kthejë familjes tani që janë në kushte të vështira.
"Sepse edhe unë atëherë e kam bërë këtë punë, atë bakshish që ai ndërpreu në mes ishte një dorë e keqe. Kur ndodhi ngjarja u ndjeva shumë keq, dhe i thashë gruas dua të bëj diçka ndryshe dhe pati përkrahje nga të gjitha trevat e Shqipërisë kjo nismë . 16 vjeç e kam fillur, kam punuar në lokale, kam pasur vështirësi në fillim, presione sepse nuk dinë as të të respektojnë, fjala kamarier përdoret dhe si përbuzje. Ne bëjmë punë të ndershme.
Babai i ka vdekur para 11 vitesh. Babait të Musainit i kam shërbyer para 13 vjetëve, bashkishet që më ka dhuruar Enver Zeneli e kisha për detyrë me ua dhuru sot. Unë sdo të ndalem deri sa ta duan familjarët e musaenit", shton më tej Toska.
Musaen Zeneli u cilësua si viktima më e pafajshme e përplasjes me armë zjarri në Velipojë mes 2 familjeve pronarë hotelesh, Ferracaku dhe Gocaj për disa metra territor plazh ku humbën jetën 4 persona. I riu me njohuri fillestari në kuzhinë, ishte shpërngulur në hotelin e vëllezërve Gocaj dhe kishte ditën e parë të punës, ku shërbente edhe si kamarier.
Komente
Lajme të tjera
-
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
GJKKO dënon me 2 vite dhe 8 muaj burg Vangjush Dakon, ish-kryebashkiaku i Durrësit mungoi në seancë! Pezullohet dënimi për 3 të tjerët (VENDIMI)
25 Nëntor, 16:44 -
Ministria e Drejtësisë certifikon 97 studentë të Klinikave të Ligjit, Manja: Qëllim rritja e aksesit në drejtësi dhe përgatitja e një brezi profesionistësh
25 Nëntor, 16:44 -
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
U ekzekutua në atentat, ja si ka përfunduar makina luksoze e Klaudio Prendit! Vrasësit shenjëstruan xhamin e shoferit të ‘Mercedes G Class’
25 Nëntor, 15:38 -
Shoqatat e ish-të Përndjekurve takim në Shkodër: 'Të nisin kërkimet për të zhdukurit e Komunizmit!' Imzot Massafra: Shteti të përshpejtojë procesin
25 Nëntor, 14:31
-
Tiranë/ Vrasja e 14 vjeçarit, shtohen efektivët e policisë në të gjithë shkollat e kryeqytetit
25 Nëntor, 11:41 -
Pesë net ‘roje’ për të vrarë ndërtuesin! Polici u fsheh në shkallët e një hoteli, refuzon të japë deklarime! I vëllai mohon të ketë lidhje me ekzekutimin e Eduart Reçit, pamjet zbuluan vrasësit
25 Nëntor, 09:17
-
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
VIDEO/ Në fushë pa Canin, ekipi i Dinamos dhe trajneri emocionojnë me dedikimin për Martinin e vrarë me thikë në zemër
24 Nëntor, 22:19 -
Rrëfehet nga spitali shoku i Martin Canit: Mario më gjuajti me thikë 6 herë, donte të më godiste në zemër! Një burrë më ngriti peshë
24 Nëntor, 21:52 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48
Z.Toska mos prit gje nga politika.E harrove Murrizin qe beri gjyq dhe e fitoi, per parate qe ia kishin mbajtur per nje kauze humanitare.Po e jap vetem si shembull qe te mos shpresosh kot.
Përgjigju