POP 5

Lajmet më të lexuara të 5 minutave të fundit

Kultura

Baladat arbëreshe kthehen në grafika nga nxënësit e Liceut Artistik

U hap sot ekspozita “Përrallat e baladat arbëreshe përmes artit grafik”, me punimet e nxënësve të Liceut Artistik “Jordan Misja”.  Kjo ekspozitë shënoi kurorëzimin final të projektit “Përrallat e baladat arbëreshe përmes artit grafik”, realizuar nga Qendra e Studimeve dhe Publikimeve për Arbëreshët (QSPA) në bashkëpunim me Liceun Artistik “Jordan Misja”.

Baladat arbëreshe kthehen në grafika nga nxënësit e Liceut Artistik

U hap sot ekspozita “Përrallat e baladat arbëreshe përmes artit grafik”, me punimet e nxënësve të Liceut Artistik “Jordan Misja”.  Kjo ekspozitë shënoi kurorëzimin final të projektit “Përrallat e baladat arbëreshe përmes artit grafik”, realizuar nga Qendra e Studimeve dhe Publikimeve për Arbëreshët (QSPA) në bashkëpunim me Liceun Artistik “Jordan Misja”. Pas disa takimeve konsultative dhe leksioneve të hapura për njohjen e baladave arbëreshe, në fazën përfundimtare erdhi konkretizimi me punime artistike nga ana e nxënësve, të cilat u ekspozuan në mjediset e QSPA.

Ceremoninë e hapjes e përshëndeti fillimisht drejtoresha ekzekutive e QSPA-së, prof. Diana Kastrati, e cila falënderoi të pranishmit dhe theksoi rëndësinë e kësaj ekspozite, ku të rinjtë shpalosin fantazinë e tyre për baladat arbëreshe. Më tej, fjalën e mori ideatorja e këtij projekti, dr. Dorina Arapi, studiuese pranë QSPA-së, e cila vlerësoi impenjimin e madh të nxënësve, që arritën të përftojnë produkte shumë cilësore brenda një kohë të shkurtër.

Të pranishëm në ceremoninë hapëse ishin edhe pedagogët e artit pamor, Holta Roçi (udhëheqësja e këtij projekti), Ahilino Palushi dhe Jozita Shkreli, të cilët u ndalën në shpjegimin e proceseve të punës nga ana e nxënësve, si dhe në teknikat e përdorura për realizimin e punimeve.

Idetë e shpalosura dhe mënyrat e realizimit të punimeve u theksuan nga secili prej të rinjve gjatë prezantimit të punimeve të tyre. Ata treguan edhe detajet që ju kishin bërë më tepër përshtypje në baladat “Kostandini dhe Doruntina” dhe “Kostandini i vogëlith”, balada të cilat ishin edhe busulla orientuese për interpretim pamor.

Në fund të ceremonisë, QSPA shpërndau certifikata pjesëmarrjeje për të artistët e rinj.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43