Baleti/ Mjellmat ‘pushtojnë’ Pallatin e Kongreseve-VIDEO/FOTO

Mbrëmjen e së shtunës është rikthyer për publikun, kryevepra e Çajkovskit, baleti "Liqeni i mjellmave". Ndërsa rolin kryesor e interpretoi me mjeshtëri primabalerina Ledia Sulaj, kjo ringjitje në skenë ka promovuar si solist kryesor balerinin e ri Anxhelo Muçollari. Çifti i balerinëvse në rolet Odeta-Odille ka marrë duartrokitjet e publikut

Primabalerina Ledia Sulaj është konfirmuar tashmë në rolet e mëdhenj që ka interpretuar në skenë. Ajo gjithmonë krijon figura delikate në skenë e ngritur në vallëzime të bukura që rrëmbejnë duartrokitje e publikut.

Ky baleti që ka marrë jetë për herë të parë në skenë nga mjeshtëri i baletit dhe i koreografisë Agron Aliaj në vitin 2004, u shfaq premierë një vit më parë me koreografi të Enada Hoxhës dhe Gerd Vaso. Koreografët e rinj i kanë bërë ndryshime duke modernizuar shumë pjesë të baletit, por mjellmat e Çajkovskit mbeten po ato, ashtu siç këtë herë Ledia Sulaj realizoi një mjellmë të vërtetë klasike.

LEXO EDHE:
Shenjat që kanë më shumë gjasa të fillojnë një zënkë në tryezën e festave

Baleti do të rinjgjitet edhe sot në skenë ku primabalerina është Adela Muçollari. Ajo është një tjetër Odet –Mjellmë e baletit të Çajkovskit dhe do të kërcej me balerinin Fatjon Lito. Adela është edhe motra e AnxheIo Muçollarit që kërceu me primabalerinë Ledia Sulaj.

Sot në mbrëmje të tjerë soliste së bashku me trupën e baletit dhe orkestrën, do sjellin emocione të reja për publikun, ku shfaqja do të nisë në orën 20:00. Një tjetër sukses pritet falë interpretimeve të bukura të balerinëve dhe Orkestrës së TKOB që drejtohet nga Dian Tchobanov.

TAG:
• liqeni i mjelmave

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1553

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq