Baleti spektakolar “Monger” i
Barak Marshall rishfaqet në TKOB

Teatri Kombëtar i Operës dhe Baletit ringjit në skenë me një nga veprat më të bukura të repertorit të sezonit të kaluar, baletin ‘Monger’.

I përgatitur për skenën shqiptare nga koreografi i njohur izraelit Barak Marshall, ky balet shquhet për vallëzimet interesante, teatralitetin, dhe për veçantinë e interpretimit të motiveve që nga xhipsi, Balkan Beat Box deri tek ajo klasike me Handelin e Verdin. 

Koreografi Marshall ka bashkuar imagjinatën e tij me energjinë e balerinëve Alisa gjoni, Rovena Shqevi, Ledia Sulaj, Amela Prifti, Tea Ajazi, Dion Gjinika, etj. Këtë herë baleti do të ngjitet në skenë në kujdesin e drejtoreshes se baletit Enada Hoxha.

Dramatikisht provokativ, surreal e argëtues baleti “Monger” do t’i shfaqet publikut i pasuruar me nota të larta humori. 
 
Baleti “Monger” do të ngjitet në skenë në datat 3 dhe 4 dhjetor në Teatrin Kombëtar të Operës dhe Baletit.


Redaksia Online
XH.K/Shqiptarja.com