POP 5

Lajmet më të lexuara të 5 minutave të fundit

Kronikë

Balla: Ministri Imami afera
korruptive edhe në Nartë e Zvërnec

Deputeti i Partisë Socialiste, Taulant Balla akuzoi sërish ministrin e Mbrojtjes, Arben Imami për afera korruptive kësaj here në Narte dhe në Zvërnec. Ai denoncon se ministria e Imamit po shet pa asnjë plan strategjik rreth 350 mijë metër katrorë të pronave të ushtrisë në këtë zonë.
VLORË - Deputeti i Partisë Socialiste, Taulant Balla në vijim të akuzave të tij ndaj ministrisë së Mbrojtjes ka denoncuar një tjetër rast abuzimi me privatizimin e pronave të ushtrisë.

Ndërsa ishte sot në plazhin i Zvërnecit në Vlorë, Balla tha se pronat bregdetare po shiten pa kritere dhe pa një plan për atë që do të ndodhë me to pas privatizimit, ndonëse pretendohet se turizmi është një prioritet i zhvillimit të vendit.

“Sot jemi në një ndër plazhet më të bukura dhe sigurisht në të vetmit që kanë mbetur ende të virgjër, ende i pashfrytëzuar. Kodra përballë bën pjesë në një prej pronave të ushtrisë shqiptare të cilën Arben Imami po e bën gati edhe këtë për ta shitur. Ndërkohë që i gjithë ky plazh duhej të ishte pjesë e një studimi të plotë në kuadër të atij prioriteti që qeveria thotë se është turizmi”, është shprehur Balla.

Deputeti i PS-së theksoi se pre e shitjes së dyshimtë dhe pa asnjë studim të mirëfilltë janë edhe 350,000 metër katrorë prona të ushtrisë, që ndodhen në zonën e Nartës dhe Zvërnecit.

“Bëhet fjalë për repartin e ish Artilerisë bregdetare që fillon prej Pusit të Mezinit në Vlorë, në Nartë dhe në Zvërnec, prej 209,300 metër katror. Më pas është një batalion tjetër, reparti 3080 prej 124,000 metër katror.

Vazhdojmë me një bateri tjetër të artilerisë kundërajrore prej 24,000 metër katrorë. Pra siç e shikoni janë afërsisht 350,000 metër katrorë prona të ushtrisë, në administrim nga Ministria e Mbrojtjes, për të cilat Arben Imami ka filluar procedurën e shitjes, i ka kërkuar Ministrisë së Ekonomisë për të filluar shitjen e tyre”, tha Balla.

Sipas tij, këto prona të ushtrisë shqiptare po shpërndahen pa asnjë qëllim strategjik, por për qëllime personale.

(su.fu/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet!

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet!

13 Janar, 18:55