POP 5

Lajmet më të lexuara të 5 minutave të fundit

Politikë

Balla takim me banorët e Funarit në Elbasan: Ndërtimi i rrugës do ta kthejë Funarin në një destinacion të rëndësishëm turistik

Në hyrje të fjalës së tij, Balla tha se vetëm falë mandatit të ri të 25 prillit, resurset natyrore të kësaj zone do të marrin vlerat që i takojnë

Balla takim me banorët e Funarit në Elbasan: Ndërtimi i rrugës do ta kthejë Funarin në një destinacion të rëndësishëm turistik

Taulant Balla në Funar

Drejtuesi politik i Partisë Socialiste për qarkun e Elbasanit, Taulant Balla zhvilloi një takim me banorët e Funarit në Elbasan.

Në hyrje të fjalës së tij, Balla tha se vetëm falë mandatit të ri të 25 prillit, resurset natyrore të kësaj zone do të marrin vlerat që i takojnë.

“Ndërtimi i rrugës Dobaj-Funarë do të jetë një investim që do ta kthejë Funarin në një destinacion të rëndësishëm turistik. Gjëja e parë që duam të bëjmë është të nxisim djemtë, burrat, gratë e kësaj zone të investojnë që shtëpitë e tyre të transformohen në bujtina. Do të fillojmë edhe rikonstruksionin e gjithë linjës së transmetimit të energjisë elektrike por nuk do të lemë pas edhe investimet në infrastrukturën shkollorë”, tha Balla.

Numri dy i PS, teksa u ndal tek procesi i vaksinimit u bëri thirrje personave mbi 60 vjeç të vaksinohen.

“Falë Edi Ramës ne arritëm të sigurojmë në kohë sasitë më të mëdha të vaksinave. Sot jemi ndër vendet e para në Ballkan, por në nivel të numrit të vaksinimit edhe në Europë”, tha Balla.

Sa i përket familjeve të prekura nga tërmeti në këtë zonë, Balla premtoi që para Vitit të Ri të këtij viti do të marrin dëmshpërblimet.

Kreu i Grupit Parlamentar të PS më tej, duke ritheksuar rëndësinë e zgjedhjeve të 25 prillit tha se vetëm me kryeministrin Rama, Shqipëria do të ecë në rrugën e duhur.

“Kohë të vështira kanë nevojë për udhëheqës të fortë. Ne nuk mund t’ia besojmë timonin dikujt tjetër përveç se Edi Ramës. Na duhet një kryeministër që ta ketë Elbasanin në qendër të vëmendjes. Lista e PD nuk e përfaqëson aspak Elbasanin. Ndërsa lista e LSI është si një thes, ku janë futur brenda persona që kanë probleme me drejtësinë”, shtoi Balla.

Në fund të fjalës së tij, Balla nënvizoi se vetëm përmes një drejtësie të pavarur Shqipëria do të mund të shkojë drejt BE.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Lufta/ Aeroportet e Moskës mbyllen përkohësisht! Lavrov: Një armëpushim në Ukrainë do të ishte i padobishëm tani

Lufta/ Aeroportet e Moskës mbyllen përkohësisht! Lavrov: Një armëpushim në Ukrainë do të ishte i padobishëm tani

26 Dhjetor, 15:09