Tirane- Kanë mbetur vetëm 3 ditë nga dita përkujtimore e 21 janarit 2011 ku në bulevardin para kryeministrisë u vranë 4 protestues.
Zbardhja e këtij krimi shtetëror kërkuar dhe nga Gjykata e Strasburgut ka qenë një ndër temat e diskutimit që ministri I Brendshëm Taulant Balla ka bërë me prokurorin e Përgjithshëm Olsian Cela gjatë takimit paraditen e sotme.
Burime nga ministria e Brendshme kanë bërë të ditur për Report Tv se Balla i ka kërkuar prokurorit të Përgjithshëm hetim 21 janarit në dritën e vendimit të GJEDNJ.
"Gjithashtu prej tij u prezantuan edhe disa aspekte të tjera prioritare për punën e Policisë së Shtetit e për të cilat kërkohet mbështetje nga ana e prokurorisë. Mes të tjerash gjatë takimit ministri Balla theksoi rëndësinë e dy vendimeve të Gjykatës Europiane të Drejtave të Njeriut në Strasburg në lidhje më çështjen e 21 Janarit si dhe çështjen Hysa ndaj Shqipërisë, lidhur me respektimin e standardeve në aplikimin e masës së sigurimit “arrest në burg” në fazën e hetimit dhe gjykimit" thuhet në njoftimin e ministrise.
Në fokus të takimit ku morën pjesë edhe drejtues të lartë të Prokurorisë dhe Policisë së Shtetit ishte vlerësimi i ecurisë së punës së deritanishme të strukturave të prokurorisë dhe policisë, koordinimin mes tyre dhe bashkërendimin e prioriteteve në goditjen e krimit.
Gjatë takimit ministri Balla theksoi se revanshi i sundimit të ligjit ndaj krimit të organizuar po godet fort sëmundjen e vjetër të lidhjeve të krimit me policinë dhe drejtësinë.
Gjithashtu ministri Balla vlerësoi rezultatet e arritura në goditjen e rrjeteve të shpërndarësve të lëndëve narkotike në muajin shtator 2023, puna e kryera nga strukturat e policisë dhe prokurorisë në këtë drejtim si dhe u shpreh vullneti për vazhdimin e punës në këtë aspekt edhe gjatë vitit 2024, duke e konsideruar si çështje me prioritet maksimal.
Nga ana e tij, Prokurori i Përgjithshëm Çela vlerësoi nivelin e deritanishëm të bashkëpunimit dhe koordinimit ndërinstitucional me Policinë e Shtetit dhe angazhimi maksimal i prokurorive megjithë problemet që po has institucioni për shkak të mungesave në strukturë si rrjedhojë e procesit të rivlerësimit kalimtar.
Ai u ndal në nevojën për të harmonizuar prioritetet e luftës ndaj kriminalitetit. Gjithashtu ai vuri theksin mbi nevojën për të përmirësuar punën në drejtim të ecurisë së procesit të dekriminalizimit, duke u fokusuar në përdorimin më efikas të kanaleve të komunikimit që ka Policia e Shtetit për marrjen e të dhënave të nevojshme nga partnerët ndërkombëtarë.
Mes të tjerash Prokurori i Përgjithshëm kërkoi një kujdes të shtuar nga ana e Policisë së Shtetit sa i përket respektimit të të drejtave proceduriale të shtetasve në rastet e sekuestrimeve të mjeteve të personave që drejtojnë automjetet në mënyrë të pa rregullt, për të evituar kostot e panevojshme për qytetarët dhe për shtetin.
Në takim u ra dakord për të përpunuar një plan veprimi sa i përket edhe përballjes me fenomene të reja kriminale si rrjedhojë e përdorimit të gjerë të rrjeteve sociale për kryerjen e krimeve të ndryshme, ku u vlerësua si shumë shqetësuese prekja masive prej tyre e personave të mitur.
Dy institucionet u angazhuan gjithashtu edhe për marrjen e një sërë masash të përbashkëta në drejtim të koordinimit më të mirë të të dhënave që lidhen me shpalljen dhe heqjen nga kërkimi ndërkombëtar të shtetasve shqiptarë.
Lajme të tjera
-
Ishte në SPAK për 21 janarin, Xhemal Qefalia tregon në 'Studio Live' çfarë u tha hetuesve: Jam i bindur që ndëshkimi për përgjegjësit e 4 të vrarëve do të vijë
31 Tetor, 18:17 -
Debati për anijen me mbetje zhvendoset në Kuvend! Açka: Do asgjësohen në det! Balla: Ka ikur koha kur nuk zbatohej urdhri i Prokurorisë! Hoxha: S'janë kuti kartoni t'i fshehim
31 Tetor, 11:07 -
Dosja e ’21-Janarit', SPAK pyet deputetin e PS, Xhemal Qefalia, një prej organizatorëve të protestës: U pyeta si protestues, shpresoj të zbardhet
31 Tetor, 09:32 -
Hetimet për 21 janarin, avokati Beqiri në Report Tv: Masakër shtetërore, Berisha zhduku provat! Më në fund do përballet me drejtësinë
28 Tetor, 19:35 -
Pjesëmarrja e ambasadorëve në takimet e Ramës me diasporën, Bardhi: Po përgatisim kallëzim penal në SPAK! Presidenti të reagojë
27 Tetor, 12:30 -
Audioregjistrimi i 21 janarit, SPAK dërgon në laborator kasetën! Do të bëhet ekspertimi për autenticitetin dhe identifikimi shkencërisht i zërave
26 Tetor, 10:47
-
Balla vizitë në shkollën e Gjuhës Shqipe në Philadelphia: Jeni shembull
25 Tetor, 10:42 -
Skënder Minxhozi: E megjithatë vrasjet peshojnë më shumë se vjedhjet
24 Tetor, 13:38
-
SHBA/ Balla në Universitetin e Harvardit: Diskutime për rrugën Europiane dhe avancimin e diasporës shqiptare
24 Tetor, 13:19 -
SKEDA/ 21 janari, Kuliçaj e Burgaj u kallëzuan për shpërdorim detyre në 2014! Refuzuan arrestimin e 'grupit të zjarrit', por hetimi u pushua! Ish drejtori: Urdhri Ishte me gabime
24 Tetor, 11:20 -
Dosja e 21 janarit/ SPAK merr në pyetje edhe Agron Kuliçaj: Shpjegova të gjitha veprimet e policisë ditën e ngjarjes (VIDEO)
24 Tetor, 10:03 -
Dosja e '21 Janarit'/ Ish-drejtori i Policisë së Shtetit thirret në SPAK, Burgaj: Dhashë sqarime! Zbatova urdhër-arrestet dhe ligjin! Për ekzekutimin e tyre s'ka kohë
23 Tetor, 11:10
