POP 5

Lajmet më të lexuara të 5 minutave të fundit

Politikë

Balla takon raportuesit e Bundestagut gjerman: Kemi gati projekt-ligjin e ri për reformën zgjedhore

Deputeti i Partisë Socialiste, Taulant Balla në cilësinë e Kryetarit të Grupit të Miqësisë Shqipëri-Gjermani priti të martën në një takim zyrtar  raportuesit e Bundestagut Gjerman për Shqipërinë. Gjatë këtij takimi Balla nënvizoi se falë mbeshtetjes së fondacioneve gjermane qeveria shqiptare ka gati një projekt-ligj të ri për reformën zgjedhore në Shqipëri.

Balla takon raportuesit e Bundestagut gjerman: Kemi gati projekt-ligjin e ri për reformën zgjedhore

Taulant Balla, Kreu i Grupit Parlamentar të Partisë Socialiste me anëtarët e delegacionit gjerman

Në kuadër të vizitës së tyre dyditore në Shqipëri, Kryetari i grupit të miqësisë Taulant Balla priti këtë të martë në një takim raportuesit e Bundestagut Gjerman për Shqipërinë. Në takimin që pati me anëtarët e delegacionit Taulant Balla u takua me deputetët përfaqësues të gjithë partive parlamentare gjermane Stephan Brandner (AfD),Kryetar i komisionit të ligjeve  , Heribert Hirte (CDU/CSU), Carsten Müller (CDU/CSU), Dr. Karl-Heinz Brunner (SPD), Esther Dilcher (SPD), Dr. Jürgen Martens (FDP), Gökay Akbulut , Canan Bayram, pjesë e Aleancës së të Gjelbërve.

Në fjalën e tij, Kryetari i Grupit të Miqësisë Shqipëri-Gjermani,Taulant Balla theksoi se Shqipëria mbetet e përkushtuar të thellojë e punojë ngushtësisht me Gjermaninë, në mënyrë që të arrihet  progres i mëtejshëm në reformën në drejtësi, luftën kundër korrupsionit e krimit të organizuar dhe gjithashtu të trajtohen  probleme specifike si aplikimet e pabaza për azil të shtetasve shqiptarë, trafiqet e paligjshme të të gjithë llojeve, etj.

Sipas deputeti socialist,  Balla Gjermania ka qenë dhe vijon të mbetet  një partnere e rëndësishme dhe strategjike në fushën e sigurisë dhe rendit publik për vendin tonë.

 Gjermania dhe Shqipëria kanë interesa të përbashkëta, që përputhen 100 % me njëra-tjetrën për të cilat Ministritë e Brendshme respective kanë intensifikuar kontaktet dhe po punojmë bashkërisht që t'i realizojmë. Fokus i veçantë vihet në çështje që lidhen me luftën kundër krimit të organizuar, emigracionit illegal, korrupsionit dhe sigurisht terrorizmit ndërkombëtar. Është në interesin tonë dhe të partnerëve tanë evropianë që puna në këto fusha të drejtohet dhe të monitorohet në kontekstin e negociatave të anëtarësimit. Sigurisht është edhe në interesin e besueshmërisë së procesit të zgjerimit që të tregojë se dedikimi ndaj progresit në reforma do të shpërblehet dhe do të jetë frytdhënës. 

Taulant Balla, Kreu i Grupit Parlamentar të Partisë Socialiste

Në mbyllje të takimit Taulant Balla në cilësinë e Kryetarit të grupit të miqësisë  Shqipëri-Gjermani informoi delegacionin gjerman se falë mbështetjes së fondacioneve gjermane qeveria shqiptare ka gati tanimë një projekt-ligj të ri për reformën e ardhshme zgjedhore në Shqipëri, që sipas tij do të jetë në përputhje me të gjithë rekomandimet e OSBE / ODIHR-it.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Agravon debati mes Julit dhe Eglës: Je një pise femër, shko urgjent dhe çlirohu

Agravon debati mes Julit dhe Eglës: Je një pise femër, shko urgjent dhe çlirohu

5 Maj, 22:51