Ministri i Shtetit për Marrëdhëniet me Parlamentin, Taulant Balla, njëkohësisht edhe drejtuesi politik i Partisë Socialiste për Diasporën, gjatë vizitës së tij në Shtetet e Bashkuara të Amerikës, ndaloi në Philadelphia ku u takua me përfaqësuesit e Shoqatës “Bijtë e Shqipes”, të cilët janë edhe themeluesit e Shkollës së Gjuhës Shqipe.
Kjo shoqatë është një ndër institucionet më të rëndësishme për komunitetin shqiptar të Philadelphia-s, e cila për dekada me radhë ka luajtur një rol thelbësor në ruajtjen dhe promovimin e gjuhës dhe kulturës shqiptare në mesin e diasporës.
Gjatë takimit, ministri Balla përgëzoi përpjekjet e anëtarëve të shoqatës dhe mësuesve të shkollës për përkushtimin e tyre në edukimin e brezave të rinj me gjuhën dhe traditat e paraardhësve të tyre.
“Ju jeni ndër të parët që e keni realizuar, keni marrë edhe modelin amerikan. Këtu më thanë se ju jeni të bashkuar dhe ky është një shembull, sepse siç thoshte Skënderbeu, bashkimi bën fuqinë”, u shpreh Balla gjatë takimit, duke nënvizuar rëndësinë e unitetit dhe solidaritetit mes shqiptarëve kudo që ndodhen.
Ndërsa përfaqësuesi i Shoqatës “Bijtë e Shqipes”, Dritan Matraku në fjalën e tij shprehu mirënjohjen për vizitën e ministrit Balla.
“U deshën 30 vite që një ministër shteti të vinte në shtëpinë tonë. Kjo është shtëpia jonë, është shtëpia juaj, është shtëpia e të gjithëve ne,” tha Matraku.
Shoqata Bijtë e Shqipes dhe Shkolla e Gjuhës Shqipe janë themeluar me synimin për të edukuar fëmijët e diasporës me gjuhën dhe kulturën shqiptare, duke i ndihmuar ata të ruajnë lidhjen me atdheun dhe të bëhen ambasadorë të vlerave shqiptare në Amerikë.
Në përfundim të vizitës, ministri Balla nënvizoi rëndësinë që ka diaspora për vendin tonë, duke theksuar se bashkëpunimi me komunitetet shqiptare në botë do të vijojë të mbetet prioritet për qeverinë shqiptare.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
