Balla-Berishës: Ramës ti s'i shkon as tek fundbarku i kalit të Skëndërbeut! E merr në mbrojtje Xhaferraj: Ai bëri një grup çupëlinash ministre, e ty të la aty ku je! Nikolla i mbyll fjalën

Një sërë përplasjesh kanë ndodhur në seancën plenare mes Taulant Ballës, Ferdinand Xhaferrajt dhe Sali Berishës. Gjithçka nisi nga krahasimi që Balla bëri për Berishën, të cilit i tha se Ramës ai nuk i shkon as deri tek 'fundbarku i kalit të Skëndërbeut'! Ky krahasim ju duk i padenjë deputetit të PD-së, Ferdinand Xhaferraj, por nuk zgjati shumë dhe përdori edhe vetë një gjuhë të papërshtatshme për gratë ministre, duke i cilësuar 'çupëlina'. Fjalën ja mbylli kryetarja e Kuvendit, Lindita Nikolla e cila i tha të kërkojnë ndjesë për gjuhën seksiste.

Taulant Balla: Sa për kryeministrin Rama, atij ti nuk i shkon as tek fundbarku i kalit të Skëndërbeut. Kryeministri Rama është i vetmi politikan që nuk ka marrë askënd në mbrojtje, ndaj të cilit ka filluar një hetim penal. Ky është standardi që ka vendosur Edi Rama. Bëhuni burra dhe respektojeni këtë standard

Ferdinand Xhaferraj: Nuk është dinjitoze të përdoret në Kuvend ajo fjalë. Se çfarë përfaqëson Edi Rama e dimë... mori një grup çupëlinash dhe i bëri ministre, ndërsa ty të la aty ky ju.

Lindita Nikolla: I hiqet fjala, kërkoni falje zoti Xhaferraj. Po përdorni gjuhë seksiste

Sali Berisha: A mund të vendosësh paqe më këto ministre të eksituara?! Ti përgjigjesh një njeriu të dënuar nga gjykata për shpifje, nuk ja vlen të shpenzosh asnjë sekond me ty!

Lajmi kryesor:

Inceneratorët përplasin PD-PS! Basha: Rama s’i lan dot duart! Spiropali: Do përgjigjesh para drejtësisë! Berisha: Kjo aferë zgjidhet me protesta! Miratohen anëtarët e rinj të AMA-s

M.Q./r.k./Shqiptarja.com

TAG:
• klgj
• KLP
• kuvend
• seance plenare
• komisione parlamentare
• reforma zgjedhore
• reforma territoriale