POP 5

Lajmet më të lexuara të 5 minutave të fundit

Sport

Ballkani leksion kampionëve të Irlandës, Drita 'fiket' në Prishtinë! Dukagjini eliminohet me goleadë, Shkupi i pafat

Conference League zhvilloi këtë të enjte ndeshjet e kthimit për turin e dytë. Nga rezultatet në 90 minuta, vetëm Ballkani ia doli t'i bashkohet Partizanit dhe Strugës, duke mbajtur lart flamurin shqiptar në Evropë.

Conference League zhvilloi këtë të enjte ndeshjet e kthimit për turin e dytë. Nga rezultatet në 90 minuta, vetëm Ballkani ia doli t'i bashkohet Partizanit dhe Strugës, duke mbajtur lart flamurin shqiptar në Evropë. Nga përballjet e djeshme janë eliminuar Tirana, Dukagjini, Drita dhe Shkupi.

Në Irlandën e Veriut, Ballkani i Ilir Dajës ka bërë një paraqitje fantastike, duke mundur 1-4 kampionët e Larne. Me rezultatin e përgjithshëm 1-7, Ballkani vijon më tej në turin e tretë të Conference League. Për suharekasit shënuan Gripshi (dopietë), Rrahmani dhe Kryeziu.

Në "Fadil Vokrri" të Prishtinës, Drita humbi 1-2 me Viktoria Plzen. Çekët nuk e patën të lehtë kundër gjilanasve, me ndeshjen që u vendos pas 111 minutave lojë. Durosinmi shënoi për miqtë në të 76 minutë, teksa Krasniqi barazoi për Dritën. Në shtesën e gjatë për shkak të problemeve me prozhektorët, Plzen shënoi në minutën e 90+21 me Jirka, për të "fikur" Dritën.

Në Kroaci, Rijeka nuk i la asgjë rastësisë duke mundur 6-1 Dukagjinin e Armend Dallkut. Tripleta e Ivanovic, Pasalic, Goda dhe Djouhra shënuan te vendasit, ndërsa Zulfiji shënoi për Dukagjinin golin e flamurit.

Në Bullgari, Levski i Sofies mundi 1-0 Shkupin. Skuadra shqiptare nga Maqedonia e Veriut ishte e pafat, duke mos shfryrëzuar rastet. Me rezultatin e përgjithshëm 3-0, Shkupi largohet nga Evropa.

S.Dh/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

24 Nëntor, 07:55