Punimet për ndërtimin e aksit të ri rrugor Palasë-Dhërmi, po ecin me ritme të shpejta. Ky segment ka një gjatësi prej 4.5 kilometrash dhe nis nga kryqëzimi i “Rrugë të Bardha” ku është parashikuar të jetë edhe dalja e Tunelit të Llogarasë dhe përfundon pranë ish-kampit të punëtorëve në Dhërmi.
Ministrja e Infrastrukturës dhe Energjisë, Belinda Balluku, së bashku me Drejtorin e Autoritetit Rrugor Shqiptar, Evis Berberi ndoqën nga afër ecurinë e punimeve në këtë kantier.
“Puna ka pak që ka nisur për këtë vepër, por deri më tani janë realizuar mbi 60% e hapjes së trasesë. Kemi të bëjmë me një rrugë që është 4.5 kilometra e gjatë dhe deri më tani traseja është hapur në 3 kilometra të saj. Kryesisht janë bërë punime gërmimi, punimet e mbushjes dhe përveç kësaj paralelisht me hapjen e trasesë kemi ecur dhe me veprat e artit”, bëri të ditur Berberi.
Pjesë e projektit është edhe ndërtimi i rrugëve sekondare për aksesimin e zonave turistike të banuara me rrugën e re të projektuar. Ministrja e Infrastrukturës dhe Energjisë tha se punimet për këtë vepër nuk krijojnë problematika sa i takon qarkullimit të automjeteve, për shkak të distancës që ky aks i ri ka me segmentin aktual.
“Në të ardhmen ky segment do të lidhë daljen e tunelit të Llogarasë me Dhërmiun dhe me të gjithë planet tona afatgjata për të vazhduar më pas nga Dhërmiu dhe deri në Himarë me të njëjtin tip rruge. Trafiku nuk do të kalojë më, pas daljes së tunelit, brenda fshatit Kondraq, Dhërmiut etj, duke i lënë kështu këto fshatra me një trafik të moderuar për banorët apo për vizitorët e zonës atje dhe të gjithë ata që duan të vazhdojnë rrugën nga tuneli i Llogarasë për akoma më në jug të vendit do të kalojnë nga kjo rrugë, e cila është rrugë e drejtë, pa kthesa, do të jetë rrugë e një kategorie të lartë përsa i përket sigurisë rrugore”, u shpreh Balluku.
Sipas ministres, zona bregdetare është shndërruar në një kantier gjigant, ku kanë përfunduar ose janë ende në proces një sërë investimesh.
“Për të qenë më atraktivë për investimet që ne kërkojmë të kemi në jug në vitet e ardhshme, duhet t’i përgjigjemi me infrastrukturën e duhur, kryesisht atë rrugore, pasi është një nga kërkesat kryesore. Patjetër atë ajroren, siç tashëm kemi nisur nga puna për aeroportin e Vlorës dhe shumë shpejt nisim garën për aeroportin e Sarandës!atë energjetike, e cila ka qenë një problem i madh për këtë zonë për shkak të linjave ajrore, por që sot janë zëvendësuar me 20 kilovoltshin e ri. Punime po bëhen në disa nga ujësjellësat e zonës për të rritur kapacitetet dhe për t’i ofruar jo vetëm shërbim banorëve, por edhe vizitorëve gjatë kohës së sezonit. Të gjitha këto së bashku bëjnë një kantier të madh në jug të vendit që unë shpresoj shumë që t’ia dalim dhe t’i përfundojmë në një afat kohor të premtuar, pa vonesa dhe me cilësinë e duhur, ashtu siç e meritojnë qytetarët shqiptarë, por edhe vizitorët që vijnë me pritshmëri të larta tashmë në vendin tonë”, theksoi ministrja Balluku.
Aksi Palasë-Dhërmi ka një gjatësi prej 4.5 kilometrash ndërsa gjerësia e trupit të rrugës do të jetë 11.5 metra. Në këtë segment është projektuar edhe ndërtimi i një ure me gjatësi 109 metra.
Lajme të tjera
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vlorë/ 30- vjeçari ra nga kati i 3 i pallatit në ndërtim, arrestohet sipërmarrësi i punimeve të pllakave, nën hetim një tjetër! Mungonin kushtet teknike për sigurimin e jetës
21 Nëntor, 09:43
-
Vlorë/ FNSH 'pritë' tek rrethrrotullimi i Skelës, ndalon makinat e luksit e me xhama të zinj! Kontrolle për persona të kërkuar apo me armë (VIDEO)
20 Nëntor, 20:57
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Vlorë/ Bie nga kati i 3 i pallatit në ndërtim, 30 -vjeçari niset drejt Tiranës! Në gjendje të rëndë shëndetësore
20 Nëntor, 12:39 -
Vlorë/ Efektivi i policisë jashtë shërbimit aksidenton me ‘Benz’ këmbësorin e moshuar! 79-vjeçari nën kujdesin e mjekëve, edhe AMP nis hetimet
19 Nëntor, 18:27 -
Vlorë/ Përkeqësimi i kushteve meteorologjike, stuhi dhe dallgë deri në dy metra! Ndalohet lundrimi i varkave e peshkarexhave për 4 ditë! Ja kur rinis, tragetet dhe anijet e mëdha do vijojnë
19 Nëntor, 16:55 -
Vlorë/ Aksident në rrugën Transballkanike, automjeti 'Benz' përplas motorin, plagosen drejtuesi dhe pasagjeri (VIDEO)
19 Nëntor, 15:24
