Ministrja e Energjisë, Belinda Balluku është e pranishme në një vizitë zyrtare në Greqi, ku ka zhvilluar takime me Ministrin e Energjisë dhe të Ambientit, Kostas Skrekas, Ministrin për Infrastrukturën dhe Transportin, Kostas Karamanlis dhe zëvendësministrin e Jashtëm për Çështjet Ekonomike, Kostas Fragogiannis. Balluku bën me dije se me Ministrin e Energjisë u diskutuan mundësitë e bashkëpunimit në shkëmbimin e energjisë, teksa theksoi se linja e interkoneksionit mund të përdoret për të depozituar energji në të dyja vendet.
Po ashtu ajo shtoi se në takim u diskutua edhe për asistencën teknike që mund të marrë vendi ynë nga Greqia për krijimin e baterive të magazinimit të energjisë.
"Në takimin me Ministrin e Energjisë diskutuam për të gjitha mundësitë e bashkëpunimit në shkëmbimin e energjisë. Shqipëria dhe Greqia janë të lidhur përmes një linje moderne të interkoneksionit që mund të përdoret për të depozituar energji në të dyja vendet tona ose për të krijuar kontrata shitje afatgjata që do të kenë një çmim shumë më të ulët se tregu. Diskutuam për asistencën teknike që ne mund të marrim për krijimin e baterive, të magazinimit të energjisë", tha ministrja.
Balluku shtoi po ashtu se në takimin me Ministrin e Transportit mori angazhimin e tij për firmosjen e një memorandumi bashkëpunimi sa i përket projektit të ndërtimit të hekurudhës së përbashkët që lidh dy shtetet e që duhet të ndërtohet nga Pogradeci. Ministrja përmendi edhe projektin e Korridorit Blu, teksa tha se do të rinisë në vend pas pezullimit për shkak të pandemisë, ndërsa shtoi se Greqia po nis pjesën që do të lidhë autostradën Joniane atë në pikën e daljes në Janinë me pikën kufitare të Kakavijës.
"Në takimin me Ministrin e Transportit, ai u angazhua për firmosje e një memorandumi bashkëpunimi dhe mirëkuptimi sa i përket projektit të përbashkët që lidh dy shtete tona përmes hekurudhës që duhet të ndërtohet nga Pogradeci deri në daljen e Kriopig-is. Folëm për projektim e madh ndëreuropian të Korridorit Blu që për shkak të pandemisë në Shqipëri u shty. Tani është koha e duhur për ne për ta nisur, por është edhe momenti kur shteti grek po nis pjesën që do të lidhë autostradën Joniane atë në pikën e daljes në Janinë me pikën kufitare të Kakavijës. Me shpresën që Mali i Zi në të ardhme të bëjë pjesën e tij", shtoi ministrja.
Lajme të tjera
-
Greqia në grevë të përgjithshme, punonjësit protestojnë për presionin e kostove të jetesës
20 Nëntor, 19:53 -
Paralizohet Greqia, sot grevë 24 orëshe në sektorin publik dhe privat
20 Nëntor, 08:21 -
E zuri korenti duke vjelë ullinjtë, humb jetën 48-vjeçari shqiptar në Korfuz
18 Nëntor, 18:34 -
Berisha: Ky buxhet i çon miliardat tek Lubi Balluku, ka hyrë në Gines kjo hajdute! Vetëm 16 milionë euro dhe bonusi i blerjes së votave
18 Nëntor, 13:36 -
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49 -
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
1.5 milionë euro import në ditë, Kosova në krizë për energji ende pa hyrë në dimër
14 Nëntor, 19:00 -
Greqi/ Në kërkim për vjedhjen e 7 banesave, arrestohet ‘skifteri’ shqiptar
13 Nëntor, 17:10 -
PD akuza ndaj qeverisë: Keni çuar në kolaps sektorin energjetik
13 Nëntor, 16:34 -
VIDEO/ Aksident i rëndë në Athinë, përplasen 2 motorë, vdes 18 vjeçari shqiptar, shpëton adoleshenti grek
12 Nëntor, 18:17 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Trump bisedë telefonike me kryeministrin grek Mitsotakis! Qeveria greke: Në fokus bashkëpunimi mes dy vendeve
12 Nëntor, 12:53
