POP 5

Lajmet më të lexuara të 5 minutave të fundit

Kronikë

Banda e Tritolit,1 dënim përjetë
30 vite për 'killerin' e pendua

Ndriçim Gjokonaj ka përfituar ulje dënimi me 17 vite burg nga Apeli i Krimeve të Rënda pasi gjykata ka vlerësuar statusin e tij si i penduar në zbardhjen e kriemve të bandës së tritolit në Vlorës.  VIDEO
Ndriçim Gjokonaj ka përfituar ulje dënimi me 17 vite burg nga Apeli i Krimeve të Rënda pasi gjykata ka vlerësuar statusin e tij si i penduar në zbardhjen e kriemve të bandës së tritolit në Vlorës.

I pandryshuar ka mbetur dënimi për vrasësin me pagesë të bandës, Julian Sinanaj, me 30 vite burg, Andon Mëhillajn kreun e këtij grupi me burgim të përjetshëm dhe sekserin e grupit të arrestuar dy ditë më parë Genis Mëhillaj.

Këtë të enjte, Apeli i Krimeve të Rënda rrëzoi kërkesën e Genis Mëhillajt për riçelje të gjykimit ndaj tij, pasi ky i fundit kërkoi të rigjykohej me argumentin se është dënuar në mungesë.

Ndërkohë dënimet për pjesëtarët e tjerë të grupit u lanë 19 vite për biznesmenin Marjon Mitro nga Vlora që porositi atentatin me tritol ndaj ish-prefektit të Vlorës Besnik Dervishi, 5 vite burg për biznesmenin e gazit Ilir Karçini dhe 8 vite për Alin Mexhajn personi që furnizonte me armatim Julian Sinanajn.

Ky grup u zbulua tre vite më parë ku u prangos më 30 Janar, Julian Sinanaj, pas një operacioni të Policisë së Shtetit, ndërsa hetimet zbardhën se ai e kryente këtë aktivitet prej 10 vitesh.

Ndaj këtij grupi rëndon vrasja e biznesmenit Agron Çela, ajo e peshkatarit Sokol Veizaj, atentati i dështuar ndaj Besnik Dervishit si dhe atentati me tritol në banesën e ish-kreut të Partisë Demokratike në Vlorë Ardian Kollozi.

Dënimet e dhëna nga Gjykata e Apelit

Julian Sinanaj – 30 vite burg

Andon Mëhillaj - burg përjetë

Ndriçim Kokona - 8 vite burg

Genis Mehillaj - 10 vite burg

Marion Mitro – 19 vjet burg

Ilir Karçini – 5 vjet burg

Albin Mexhaj – 8 vjet burg

Dënimet e dhëna nga Krimet e Rënda:
Julian Sinanaj – 35 vite burg

Andon Mëhillaj – burg përjetë

Genis Mëhillaj – 10 vite burg

Ndriçim Gjokona – 25 vite burg

Marion Mitro – 19 vjet burg

Ilir Karçini – 5 vjet burg

Albin Mexhaj – 8 vjet burg

Redaksia Online
l.q/Shqiptarja.com

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Tiranë, mbajtën të mbyllur 21 vjeçaren në një apartament në 'Astir', arrestohet njëri prej djemve, në kërkim 5 të tjerë (EMRI)

Tiranë, mbajtën të mbyllur 21 vjeçaren në një apartament në 'Astir', arrestohet njëri prej djemve, në kërkim 5 të tjerë (EMRI)

26 Janar, 13:13