POP 5

Lajmet më të lexuara të 5 minutave të fundit

Kronikë

Pogradec/ Banesat u shkrumbuan nga flakët, 4 familje në qiell të hapur! Kryetari: Mbulojmë shpenzimet e qiranë! Gruaja që iu dogj shtëpia: Vet e di si shpëtova

Zjarri shkrumbon banesat e 4 familjeve në Pogradec. Banorët u shpëtuan evakuuan në kohë falë fqinjit që pa tymin nga ballkoni dhe trokiti në çdo derë. Bashkia e Pogradecit merr përsipër të rindërtojë banesat dhe të paguajë qiratë e banorëve pa strehë.

POGRADEC- Flakët e mëdha të zjarrit përpinë në orën 21:25 të mbrëmjes së të shtunës, 4 janar, një godinë dykatëshe në lagjen nr.4 të Pogradecit.

Zjarri dyshohet se nisi nga oxhaku i shtëpisë së 80-vjeçarit Avni Biba dhe më pas u përhap në banesat ngjitur. Ai që shpëtoi banorët ishte Fatmir Metoshi, fqinji i cili pa flakët nga ballkoni i shtëpisë së tij, telefonoi zjarrfikësen dhe trokiti në çdo derë për të zgjuar nga gjumi banorët e rrezikuar. Ai tregon se të moshuarin që vuan nga skleroza dhe jeton i vetëm e gjeti në gjumë.

“Dola në ballkon shikoj tymin më vajti mendja tek Avniu, lajmërova zjarrfikësen, policinë, shkova te Avniu e gjeta në gjumë. Lajmërova njerëzit por s’po dilte njeri jashtë dhe pastaj u rashë dyerve”, tregon ai.

Gruas që iu dogj shtëpia, si pasojë e zjarrit që ra në shtëpinë e të moshuarit dhe që më pas u përhap më tej, ka treguar tmerrin teksa banesa e saj iu përfshi nga zjarri. Ajo thotë se i ka paralajmëruar familjarët e të moshuarit të mos e lënë vetëm në banesë.

“Vet e di se si shpëtova, të kalosh çupën 4 vjeçe dhe të bjerë zjarri, kurse çunin e kam 8 vjeç, ku ka më heq se kaq. E paralajmërova se ai nuk duhet të rrinte vetëm, ajo tha babai im nuk bënë nga këto veprime. Ne e shihnim se ca veprime bënte, më thoshte mua e vure ti”, tha ajo.

Zjarri u shua rreth orës 23:30 dhe gjatë gjithë natës zjarrfikësit monitoruan godinat për aktivizim të mundshëm të vatrave. Mëngjesi i të dielës gjeti 4 familje në qiell të hapur. Godinës i kishin mbetur vetëm muret.

I moshuari ishte pranë shtëpisë së djegur bashkë me vajzën e tij, ndërsa familjet u vizituan nga Kryetari i Bashkisë së Pogradecit Ilir Xhakolli. Ai tha se Bashkia do të mbulojë shpenzimet për rindërtimin e banesave dhe qiranë e shtëpive ku do jetojnë familjet tashmë pa strehë.

“Do mbulojmë shpenzimet dhe qiranë deri në rindërtimin e banesave të shkatërruara nga zjarri. Një zjarr i përmasave të mëdha ku u përfshinë gati 4 familje por 2 prej tyre janë më të dëmtuarit. Një nga këto familje që është më problematike i kemi gjetur një shtëpi këtu afër dhe do ta mbështesim edhe me ushqime dhe veshmbathje pasi ata janë me duar në xhepa”, tha Xhakolli.

Grupi i emergjencave do verifikojë dëmet, ky më të dëmtuar janë shtëpia e Avni Biba me 4 dhoma të shkrumbuara dhe shtëpia e Elton Baçi me 3 dhoma të djegura.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Rama pret rabinin izraelit në Vlorë: Së shpejti nisim punën për ndërtimin e muzeut hebraik

Rama pret rabinin izraelit në Vlorë: Së shpejti nisim punën për ndërtimin e muzeut hebraik

6 Janar, 23:10