Banka Amerikane e Investimeve ka mbështetur gratë e vajzat viktima të trafikimit dhe fëmijët e tyre. Ndihma këtë herë është bërë e mundur përmes organizatës “Të Ndryshëm & Të Barabartë” duke ndërhyrë në përmirësimin e kushteve të Strehëzës së Ri-integrimit për viktimat e trafikimit dhe Qendrat e Përkujdesjes Ditore të fëmijëve të viktimave në Tiranë dhe Shkodër.
Projekti mundësoi rehabilitimin e këtyre qendrave me ambiente më komode e funksionale, duke bërë të mundur zëvendësimin e mobiljeve dhe pajisjeve të amortizuara ndër vite.
Deri më sot, kjo organizatë ka asistuar 765 raste viktimash trafikimi, së bashku me fëmijët e tyre.
“Përmirësimi i infrastrukturës në ambientet e akomodimit për viktimat e trafikimit mundëson kushte më të favorshme për realizimin e aktiviteteve si dhe kontribuon në rritjen e mirëqënies së tyre. Përtej shërbimeve gjithëpërfshirëse të ofruara nga organizata jonë, angazhimi i Bankës Amerikane të Investimeve është një shembull i mirë biznesi i cili mbart vlerat e një institucioni të përgjegjshëm në raport me shoqërinë dhe grupet e margjinalizuara,” shprehet znj. Marjana Meshi, drejtoresha ekzekutive e organizatës “Të Ndryshëm & Të Barabartë”.
Anisa Sheldija, përfaqësuese e sektorit të Përgjegjësisë Sociale të ABI Bank u shpreh: “Mbështetja ndaj këtij projekti, është vijim i përqasjes së përgjegjshme, që Banka Amerikane e Investimeve është angazhuar të ketë në raport me shoqërinë dhe mbështetjen e kauzave që tërheqin vëmendjen ndaj grupeve të margjinalizuara.”
Vitin e kaluar, Banka Amerikane e Investimeve, ishte mbështetëse kryesore për Strehëzën për Gra dhe Vajza në Tiranë. Projekti synoi përmirësimin e mjediseve fizike të Strehëzës si një mënyrë për të garantuar një cilësi shërbimi më të mirë dhe kushte më të mira jetese.
Duke besuar në barazinë gjinore dhe mundësitë e barabarta, si një nga shtyllat mbështetëse edhe në aktivitetin e saj si biznes, Banka Amerikane e Investimeve do të vijojë edhe në të ardhmen të jetë në krah të projekteve sociale që kanë këtë fokus.
Lajme të tjera
-
ABI Bank prezanton para Bordit projektet e reja: Prezence te rëndësishme ne korporatat e mëdha dhe të mesme në të gjithë vendin
21 Mars, 10:49 -
12 nxënëse i bëjnë dhuratën e veçantë MASR, Kushi: Arti efikas për informimin dhe ndërgjegjësimin e të rinjve kundër trafikimit të qenieve njerëzore
10 Korrik 2021, 15:36 -
U zhduk para 3 ditësh, gjendet 17-vjeçarja shqiptare në Greqi, trafikohej nga i riu shqiptar! E reklamonte në internet: Një kukull e vërtetë me trup të mrekullueshëm
6 Korrik 2021, 21:09 -
Raporti i DASH për trafikun e qenieve njerëzore, SHBA: Shqipëria tregoi rritje të përpjekjeve për eliminimin e fenomenit! U shtua ndjekja penale e trafikantëve dhe ndihma për viktimat
1 Korrik 2021, 19:40 -
Itali, kontrabanda e nigerianëve me njerëz në Europë
24 Qershor 2021, 09:53 -
Kim: Presidenti Biden e ka bërë të qartë luftën ndaj korrupsionit dhe trafikimi i qenieve njerëzore, do u sekuestrojmë pronat kriminelëve! Del Monaco: Shqipëria ka bërë përparim në këtë betejë
17 Qershor 2021, 09:46 -
Trafikimi i qenieve njerëzore, një plagë që Evropa dëshiron ta tejkalojë
16 Prill 2021, 15:05 -
'Mesazhet e rreme në celular', ABI Bank sqaron
16 Mars 2021, 14:35 -
Trafiku i qënieve njerëzore/ Raporti i GRETA: Shqipëria ende burim trafikimi për gratë, tanimë përdoren rrjetet sociale (VIDEO)
15 Dhjetor 2020, 11:12 -
GJKKO cakton rreth 200 vite burg për 35 anëtarë të 7 bandave kriminale, akuzohen për trafikim të mbi 300 persona
25 Tetor 2020, 19:09 -
Banka Amerikane e Investimeve, 5 vite sukses në Shqipëri (VIDEO)
23 Tetor 2020, 18:23 -
Nis implementimi i Projektit Kassiopi, një investim në turizëm prej 120 milionë euro i NCH Capital në Korfuz
14 Korrik 2020, 17:00
