Kryetari i Partisë Demokratike Sali Berisha po zhvillon një takim me aleatët e Federatës së Opozitës së Bashkuar. Në fjalën e tij, Berisha ka folur për zv.kryeministren Belinda Balluku duke marrë shembuj të politikanëve të tjerë që kanë dhënë dorëheqjen kur i është dashur të përballen me ligjin.

Gjithashtu Berisha foli dhe për kërkesën e PS-së për të përjashtuar më shumë se gjysmën e deputetëve të PD nga aktivitetet parlamentare pas kaosit të djeshëm të shkaktuar në Kuvend. Kryedemokrati sulmoi Taulant Ballën duke thënë se është më kriminel se krerët e bandave në Shqipëri.

“Imagjinoni kjo që po ndodh është tipike për një narkoshtet. Mos harroni, një zv/kryeministër, pa e kërkuar prokuroria dhe pa u paraqitur një kërkesë për hetim, dorëzoi mandatin dhe postin dhe ky ishte Ilir Meta sapo doli një dokument 100% i manipuluar. Fatmir Mediu, për një çështje që ishte absolutisht e aparatit ushtarak, dha dorëheqjen nga posti dhe u paraqit para hetimit.

Në çdo rast, edhe Ilir Rusmajli u shkarkua brenda 24 orëve për qëndrimin që mbajti ndaj drejtorit që dënonte korrupsionin. Ilir Rusmajli ishte bashkëpunëtor i imi i afërt, por kur shkarkoi drejtorin për shkak të ndërhyrjes së vëllait, Rusmajli u shkarkua.

Tani ka një muaj që shteti është i gozhduar, sepse Belinda Balluku nuk jep dorëheqjen, ndërsa Rama bën hapin e turpit: e çon çështjen në Kushtetuese dhe merret një vendim i padëgjuar. Ka 10 ditë që po modifikohen provat. Unë përgëzoj vendimin e prokurorisë për të kërkuar arrestimin e saj si kusht për të mbrojtur interesin publik. Çfarë ndodhi dje në Parlament, dhe tani kërkojnë të përjashtojnë më shumë se gjysmën e deputetëve? Ai që drejton grupin e PS-së është më kriminel se Suela Çela, Elvis Doci dhe Safet Bajri. Sepse ata rrinë në bodrumet e tyre, ndërsa ky rri në zyrat e qeverisë, i mbron dhe zbaton urdhrat e tyre”, tha Berisha.

Berisha dhe njëherë paralajmëroi se protesta e thirrur me 22 dhjetor, do të marrin tjetër formë deri në grevë urie me qëllim rrëzimin e qeverisë së Edi Ramës.

"Është thirrur data 22. Protestat tona do të diversifikohen me greva, greva urie dhe me të gjitha format. Nëse ne vendosim të përmbushim misionin tonë, jemi të vendosur. Protestat tona dhe të gjithë ne duhet ta kemi të qartë se, me këtë regjim, protesta e qëndrueshme është jetike. Ato janë format që rrëzojnë diktaturat", tha Berisha.

Lajmi në përditësim...

Rendit zhvillimet sipas orarit:
Ora 13:41
Çështja Balluku/ Berisha: Rama po bllokon drejtësinë, do t’i përgjigjemi si puçist

1766144917_saliberisha.jpg

Pas takimit me aleatët opozitare, Sali Berisha në konferencën për mediat ka folur përsëri për çështjen e Ballukut. Berisha ka thënë se prokurori që ka në dorë çështjen e Belinda Ballukut ka marrë kërcënime të shumta. Ai thotë se Rama gjithashtu po kërcënon dhe Gjykatën Kushtetuese për të vendosur në favor të drejtësisë.

Berisha tha se Edi Ramës demokratët dhe qytetarët do t’i përgjigjen si puçist që po bllokon drejtësinë.

“Nuk thotë parlamenti aty, Kushtetuta thotë 30 deputetë. Ose e morën dhe e shqyrtuan në mënyrën më të rrufeshme rastin e Ballukut, e shtynë tre ose katër muaj rastin tjetër. Çfarë drejtësie është kjo? Kjo është një drejtësi në këmbët e një organizate kriminale. Por në këtë drejtësi, siç janë këta, siç është Irena Gjoka, ka edhe njerëz, që unë i përgëzoj, që i qëndrojnë ligjin, që kanë guxim dhe nuk mposhten.

Ju lutem, mos harroni një moment, shkojmë tek agjencia e pengmarrjeve. Agjenci shtetërore, e varur direkt nga kryeministri, më afër se ministritë. Një prokuror në verë, një Elvin, dha dorëheqjen papritmas. Kishte dosjen, dha dorëheqjen pa dhënë asnjë shpjegim. Dha dorëheqjen se mund ta merrnin peng. Rrethanat nuk e lejonin dhe dha dorëheqjen. Ky, prokurori i dosjes së Lubisë, kërcënime të shumëfishta. Dhe i them Edi Ramës, absolutisht do përgjigjej personalisht për secilin prej tyre në qoftë se u dhunohet gjëja më e vogël atyre.

Ata janë të mbrojtur nga ligji dhe mos guxo të prekësh njeri prej tyre, mos guxo të bësh presione ndaj tyre. Ka ndërmarrë veprimet më të padrejta, është ndjekur rruga ligjore siç mund të ndiqet. Këta e rrethuan menjëherë me Lali Vjedhësin, desh i rrahën gjykatësit dhe prokurorët. Dhe tani, keqpërdorin në shkallë ekstreme Gjykatën Kushtetuese për të bllokuar drejtësinë. Bllokimi i drejtësisë është vepër e ngjashme me grushtin e shtetit. Dhe Edi Ramës do i përgjigjemi si puçist po qe se bllokon drejtësinë”, tha Berisha.

K.B/Shqiptarja.com

Ora 10:41
Berisha: Do të shkojmë deri në grevë urie, e vetmja formë për të rrëzuar diktaturën

Kryetari i PD-së, Sali Berisha dhe njëherë paralajmëroi se protesta e thirrur me 22 dhjetor, do të marrin tjetër formë deri në grevë urie me qëllim rrëzimin e qeverisë së Edi Ramës.

Berisha i bën thirrje shqiptarëve për pjesëmarrje masive, kryesisht të rinjve.

“Është thirrur data 22. Protestat tona do të diversifikohen me greva, greva urie dhe me të gjitha format. Nëse ne vendosim të përmbushim misionin tonë, jemi të vendosur. Protestat tona dhe të gjithë ne duhet ta kemi të qartë se, me këtë regjim, protesta e qëndrueshme është jetike. Ato janë format që rrëzojnë diktaturat.

Angazhimi sa më i madh i të rinjve në këtë betejë është thelbësor, sepse opozita dhe shqiptarët do ta fitojnë. Enver Hoxha, që i kishte pa llogari, absolutisht ta kemi shumë të qartë se i gjithë korrupsioni i tij në 45 vite diktaturë nuk është as gjysma e korrupsionit të drejtorëve të bashkisë”, tha Berisha.

K.B/Shqiptarja.com