POP 5

Lajmet më të lexuara të 5 minutave të fundit

Ekonomi

Banka botërore: Ekonomia e Shqipërisë rritet me 5.1% këtë vit, e dyta në rajon me rritjen më të lartë

Ekonomia e Shqipërisë do të rimëkëmbet me 5.1% këtë vit sipas Bankës Botërore. Sipas raportit për perspektivën ekonomike vendi do të ketë rritjen e dytë më të lartë në rajon. Përmirësimi do të bazohet në avancimin e rindërtimit dhe rritjen e konsumit.

Shqipëria duhet ta mbështesë rimëkëmbjen ekonomike të parashikuar për këtë vit në 4 shtylla kryesore, ku më kryesorja është menaxhimi me efektivitet i pandemisë COVID-19. Sipas raportit të Bankës Botërore për perspektivën ekonomike globale thuhet se për të pasur një rritje ekonomike në vitin 2021, duhet të kufizohet përhapja e virusit, të hapen programe vaksinimi, të balancohet rritja e borxhit me masa mbështetëse fiskale si dhe të ndërmerren reforma ambicioze për të përballuar dëmin e shkaktuar nga pandemia.

Por pavarësisht pasigurisë që mbizotëron institucioni financiar ndërkombëtar pret ecuri pozitive të ekonomisë këtë vit, e cila në skenarin më të mirë do të rimëkëmbet me 5.1%, pranë parashikimit të bërë nga qeveria për një rritje me 5.5%.

Po ashtu Banka Botërore ka ulur ndjeshëm edhe pesimizmin për recesionin ekonomik, nga 8.4% që parashikoi në tetor 2020, në raportin e fundit thotë se rënia do të jetë 6.7%, ndërsa qeveria jonë e parashikon 6.1%.

Sipas raportit Shqipëria dhe Maqedonia e Veriut duhet të përshpejtojnë reformat e anëtarësimit në BE, në mënyrë që të përfitojnë më shumë nga Plani Ekonomik i BE-së sa i takon investimeve, kapitalit njerëzor, apo dhe rritjen e konkurrencës.

Bazuar në të dhënat e Bankës Botërore, Shqipëria është vendi i dytë në rajon që do të ketë rritjen më të shpejtë ekonomike për këtë vit, pas Malit të Zi që do rimëkëmbet me 6.1%. ky përmirësim i shpejtë këtë vit sipas raportit është i pritshëm për shkak të goditjes që morën nga vardisa ndaj turizmit në vitin e kaluar.

Ndërsa qeveria pret që ekonomia të rritet si pasojë e procesit të rindërtimit, rritjes së investimeve në infrastrukturë si dhe rritjes së konsumit, i cili në vitin 2020 qëndroi në nivele minimale si pasojë e pasigurisë dhe zgjidhën të kurseni.

 

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56