POP 5

Lajmet më të lexuara të 5 minutave të fundit

Ekonomi

Banka Botërore rishikon pritshmëritë për rimëkëmbjen ekonomike! Rritja për Shqipërinë do jetë 4.4% dhe jo 5.1%

Sipas raportit Ekonomia shqiptare këtë vit do të rritet me 4.4%, nga 5.1% që ishte parashikimi në janar. Po ashtu pritshmëritë janë ulur edhe për vitin 2022 me 0.7% dhe është vlerësuar se rritja ekonomike në vitin e ardhshëm do jetë 3.7%, aq sa do jetë edhe në 2023

Banka Botërore rishikon pritshmëritë për rimëkëmbjen ekonomike! Rritja për Shqipërinë do jetë 4.4% dhe jo 5.1%

Foto ilustruese

Edhe pse ekonomia e vendit po jep shenja rimëkëmbjeje, Banka Botërore ka rishikuar pritshmëritë për rritjen ekonomike të Shqipërisë.

Në raportin më të fundit për perspektivën ekonomike globale Banka Botërore e ka ulur parashikimin me 0.7%. Sipas raportit Ekonomia shqiptare këtë vit do të rritet me 4.4%, nga 5.1% që ishte parashikimi në janar. Po ashtu pritshmëritë janë ulur edhe për vitin 2022 me 0.7% dhe është vlerësuar se rritja ekonomike në vitin e ardhshëm do jetë 3.7%, aq sa do jetë edhe në 2023. Ndërsa pritshmëritë e institucioneve në vend janë për rritje ekonomike midis 5 dhe 5.5%.

Sipas Raportit më të fundit Perspektiva Ekonomike globale 2021 #GEP21 ekonomia e Rajonit të Europës dhe Azisë Qendrore parashikohet të rritet, më fuqishëm se parashikimet, me 3.9% ne 2021, pjesërisht fale edhe përmirësimeve në zonën euro. Megjithatë, e ardhmja paraqitet sfiduese për shkak të përkeqësimeve që lidhen me pandeminë, politikat më shtrënguese makroekonomike dhe pasiguritë politike e tensionet gjeopolitike.

Në raport është theksuar edhe një herë se shtetet që kanë pasur turizmin si sektor kryesor të ekonomisë kanë pasur goditjen më të madhe. Ndërkohë qe edhe shpresat e ringritjes së shpejtë janë po në këtë sektor.

Pritshmëritë për rritjen ekonomike janë ulur vetëm për Shqipërinë nga vendet e Rajonit.

Rritja ekonomike në Rajon sipas Bankës Botërore

Bosnje Hercegovina rritje 2.8%

Kosova 4%

Maqedonia e Veriut 3.6%

Serbia 5%

Mali i Zi 7.1%

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Zhvillohet në Tiranë Ballkaniada e MMA, Shqipëria siguron katër medalje ari

Zhvillohet në Tiranë Ballkaniada e MMA, Shqipëria siguron katër medalje ari

28 Mars, 10:08