Banka Credins vjen me degën më të re SMART në Tiranë duke ofruar një eksperiencë unike për çdo klient drejt një bankingu digjital

Banka Credins, një nga bankat më të mëdha në vend, ka nisur procesin e transformimit të degëve nga një banking tradicional drejt një bankingu modern dhe digjital. Falë konceptit të një dege Smart, sjellim një model të automatizuar duke ofruar një kombinim perfekt të një eksperience digjitale dhe asaj humane, për të ofruar një shërbim unike për çdo klient.

Dizajni i degës inovative SMART, nënkupton persona të specializuar që kryejnë funksionin e mikpritjes, të informimit dhe trajnimit të çdo klienti, për të lehtësuar përdorimin e çdo shërbimi bankar. Krijimi i një këndi inovativ ku klientët mund të relaksohen para tabletave të vendosura, u mundëson atyre të këshillohen nga stafi ynë për të shkarkuar aplikacionin dhe për ta përdorur atë direkt duke pirë një kafe në një atmosferë të ngrohtë.

Objektivi ynë është të sjellim një mënyre të re të përdorimit të bankës nga të gjithë klientët, të shtyjmë dhe rrisim penetrimin e klientëve drejt kanaleve digjitale, nëpërmjet një mënyre të re trajnimi dhe edukimi, e cila do sjellë një reduktim të kostove të bankës dhe rritje të kënaqësisë së përdorimit të shërbimeve bankare nga ana e klientëve. Kombinimi i eksperiencës digjitale dhe asaj humane, është një urë lidhëse midis konceptit tradicional të një dege banke dhe atij digjital.

Që në hyrje, nëpërmjet ekraneve të mëdhenj të vendosur, duket thjeshtë, si është organizuar hapësira e re e degës në një mënyrë mjaft tërheqëse dhe komode.

Ekranet Touch të vendosur përgjatë mureve të bankës, ofrojnë informacione të ndryshme për bankën apo për produkte dhe shërbime, si dhe përshëndesin ëmbël dhe në mënyrë miqësore çdo klient që kalon pranë degës.

Një ekran i madh në hyrje, ju tregon arkitekturën e plotë të degës, ku ju mund të adresoheni për një “self-service” zonë. Dega ofron një kënd të veçantë ku çdo klient mund të këshillohet nga stafi ynë për mënyrën e përdorimit të bankingut dixhital dhe të përdorimit të platformës Credins Online, e aksesueshme nga çdo smartphone, tablet apo desktop. Çdo gjë sot po lidhet me një smartphone, ndaj, shtimi i shërbimeve bankare këtu është pjesë e këtij inovacioni.

Dega sjell dhe një kënd special me ekrane të mëdhenj SMART për çdo klient i cili kërkon të informohet me të rejat më të fundit të bankës, për sa i takon ofertave dhe produkteve bankare. Dhe nëse keni interes për një shërbim të caktuar, mjafton të skanoni kodin e ofertës dhe automatikisht nga smartphoni juaj, ju mund të aksesoni të gjitha detajet e produktit. Madje dhe aplikimin mund ta bëni direkt online nga telefoni. Pra jemi duke sjellë një eksperiencë bankare totalisht në një telefon.

Klientë biznese apo individë, kanë mundësi të përdorim çdo ditë të javës shërbimet e tyre bankare, në një mënyrë të sigurt, të shpejtë, dhe të thjeshtë. Përgjatë ditës, çdo klient do ketë këshilluesin përkatës ku mund të adresohen për çdo pyetje, të marrin instruksione mbi përdorimin e shërbimeve digjitale të bankës, dhe asistencë mbi çdo shërbim bankar.

Banka Credins synon të krijojë një eksperiencë unike duke ofruar shërbimin më të mirë për klientët e saj, dhe duke përmirësuar atë më tej, nëpërmjet krijimit të shërbimeve të reja. Ideja për një degë SMART u pranua me mjaft entuziazëm nga drejtuesit e bankës, duke sjellë një koncept të ri dizajni, shërbimi dhe eksperience sa me të kënaqshme për klientët.

Jetojmë në kohë të ndryshimeve të mëdha teknologjike, ku çdo pjesë e jetës tonë është në ndryshim të vazhdueshëm. Pse jo dhe industria bankare! Një bankë plotësisht e automatizuar mund të jetë pak herët për tregun shqiptar, gjithsesi, gjithmonë e më shumë bankat po i largohen bankingut tradicional, duke u dhënë klientëve një eksperiencë sa më digjitale.

Ndaj, Credins Bank, vjen me një degë të re SMART, ku transformimi i proceseve nëpërmjet automatizimit të tyre, është një risi dhe një eksperience e veçantë për çdo klient që hyn në degë.

Dega SMART ofron gjithashtu, shërbim Free Wi-fi, ku çdo klient fare thjesht përdorë vetë aplikacionin, pa qenë nevoja për të shkuar tek shërbimi i klientelës. Dega ofron gjithashtu shërbimin e-Bileta, ku klienti mund të skanojë numrin e tij për shërbimin e kërkuar dhe mund të shijojë dhe një kafe pranë ambienteve te bankës, duke u njoftuar me e-mail ose sms për arritjen e radhës.

Gjithë bota po shkon drejt teknologjisë dhe të gjitha ndryshimet drejt digjitalizimit janë duke i bërë degët tona shumë eficente. Ende kemi shumë ide dhe projekte interesante në proces, të cilat pak nga pak do I zbatojmë në praktikë, duke ofruar një sistem të ri që jo vetëm do përdori automatizim në një mënyrë krejt të re, por do e bëjë jetën tonë mjaft më të thjeshtë.

I.K/b.ha./Shqiptarja.com

TAG:
• banka credins
• inovative