POP 5

Lajmet më të lexuara të 5 minutave të fundit

Ekonomi

Banka e Shqipërisë: Ekonomia u përmirësua në fund të 2020! Guvernatori Sejko: Shqetësim rritja e kredive të këqija

Banka e Shqipërisë do të vijojë me politikat e saj lehtësuese, për shkak të pandemisë COVID-19. Sipas guvernatorit Gent Sejko norma e interesit do të jetë 0.5%, ndërsa ngriti edhe një herë shqetësimin për rritjen e kredive të këqija këtë vit.

Banka e Shqipërisë nuk e ndryshon politikën monetare, e cila do të vijojë të jetë lehtësuese minimalisht në 6 muajit e parë të këtij viti, dhe norma e interesit do të jetë po në nivel të ulët historik prej 0.5%.

“Këshilli Mbikëqyrës thekson se politika monetare do të vijojë të mbetet lehtësuese gjatë gjithë horizontit kohor afatmesëm, duke synuar të sigurojë kushte financimi të favorshme për rritjen e ekonomisë dhe për kthimin e inflacionit në objektiv”, u shpreh guvernatori Sejko.

Në konferencë për media guvernatori Gent Sejko tha se ekonomia është përmirësuar në 6 mujorin e dytë të vitit 2020, por përsëri rreziqet janë të pranishme si pasojë e situatës pandemike.

“Në veçanti, këto rreziqe burojnë nga: një përkeqësim i mundshëm i situatës epidemiologjike, në vend dhe në botë. Vështirësi të mundshme në mekanizmin e transmetimit të politikës monetare, në formën e rritjes së normave të interesit dhe kostove të financimit të sektorit privat, në formën e rritjes së ngadaltë të kredisë bankare, si dhe nga një reagim më i ngadaltë i biznesit dhe i familjeve ndaj kushteve të përmirësuara financiare”, u shpreh ai.

Guvernatori i qëndroi edhe një herë shqetësimit të bankës së Shqipërisë për rritje të kredisë me probleme këtë vit pavarësisht se në vitin 2020, regjistroi një nivel të ulët prej 8.1%.

“Raporti i kredive me probleme zbriti në nivelin 8.1% në fund të muajit dhjetor, një nivel ky pranë minimumeve historike të dekadës së fundit. Vijimi i këtij roli aktiv të sektorit bankar edhe gjatë periudhës së ardhshme do të jetë një element kyç në qëndrueshmërinë e rimëkëmbjes ekonomike”, tha Sejko.

Ekonomia do të rimëkëmbet brenda 2 vitesh tha Sejko ndërsa inflacioni do të kthehet në objektiv prej 3% në vitin 2022.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42