POP 5

Lajmet më të lexuara të 5 minutave të fundit

Ekonomi

Banka e Shqipërisë mban të pandryshuar normën bazë të interesit, Sejko: Gjatë muajit nëntor inflacioni u ul me 0.4%

Këshilli mbikqyrës i Bankës së Shqipërisë ka mbajtur të pandryshuar në 2.75% normën bazë të interesit. Gjatë publikimet të vendimeve të marrë mbledhjen e kësaj të mërkure, guvernatori Gent Sejko tha se inflacioni ka pësuar ulje gjatë nëntorit, krahasuar me periudhën e mëparshme.

Pas vendimeve të mëparshme që rritën tre herë normën bazë të interesit, nga 2.25% në 2.75% gjatë këtij viti, Këshilli Mbikqëyrës i Bankës së Shqipërisë vendosi që për muajin dhjetor ta lërë të pandryshuar. Guvernatori Gent Sejko, duke publikuar vendimet e marra nga Këshilli Mbikëqyrës vlerësoi si pozitive tendencën rënëse të inflacionit.

“Këshilli Mbikqyrës vendosi të mbajë të pandryshuar normën bazë të interesit, në nivelin 2.75%; Të mbajë të pandryshuar normën e interesit të kredisë njëditore, në nivelin 3.75%; Të mbajë të pandryshuar normën e interesit të depozitës njëditore, në nivelin 1.75%”, u shpreh Sejko.

Për Sejkon inflacioni nisi kurbën e rënie gjatë muajit nëntor, për herë të parë gjatë këtij viti, si pasojë e rënies së çmimit të naftës dhe transportit.

“Normat respektive të inflacionit në këto dy muaj ishin 8.3% dhe 7.9%. Eecuria e inflacionit në këto dy muaj u përcaktua nga rënia e çmimit të naftës dhe të kostove të transportit... Inflacioni pritet të shënojë një pikë kthese gjatë tremujorit të katërt të vitit 2022, të reduktohet progresivisht gjatë vitit 2023 dhe të kthehet në objektiv në tremujorin e dytë të vitit 2024”, tha Sejko.

Për Sejkon, fundi i vitit 2022 ka rezervuar lajme të mira sa i takon dhe uljes së papunësisë dhe rritjes së pagës mesatare. 

“Punësimi në ekonomi u rrit me 4.2% në terma vjetorë, norma e papunësisë zbriti në minimumin e ri historik prej 10.6%, ndërkohë që paga mesatare në sektorin privat shënoi një rritje vjetore prej 12.4%. Punësimi në ekonomi u rrit me 4.2% në terma vjetorë, norma e papunësisë zbriti në minimumin e ri historik prej 10.6%, ndërkohë që paga mesatare në sektorin privat shënoi një rritje vjetore prej 12.4%”, u shpreh Sejko.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Lëvizja Vetëvendosje: Kosova, në disavantazh përballë Serbisë për faj të Biden! Richard Grenell: E komplimentuat 4 vite dhe shkonit në konventat e tij

Lëvizja Vetëvendosje: Kosova, në disavantazh përballë Serbisë për faj të Biden! Richard Grenell: E komplimentuat 4 vite dhe shkonit në konventat e tij

22 Janar, 20:38