POP 5

Lajmet më të lexuara të 5 minutave të fundit

Ekonomi

Bankat 2.6 mld € fonde jashtë kufijve
eksperti:Penalizohet biznesi vendas

Në vitin 2016 ka arritur në 2.6 miliardë euro sasia e parave që bankat kanë investuar jashtë kufijve të Shqipërisë. Eksperti i ekonomisë, Arjan Kadareja thotë se këto para janë përdorur në formën e depozitave, të kredive, si dhe për blerjen e letrave me vlerë në vendet evropiane.
VIDEO
Ndërsa kreditimi i biznesit vendas është në nivele shumë të ulëta, 2.6 miliardë euro janë nxjerrë jashtë kufijve të Shqipërisë nga ana e bankave tregtare.
 
Eksperti i ekonomisë, Arjan Kadareja, thotë për Report TV se kjo sasi parash është nxjerrë në formën e depozitave në bankat e huaja, në kreditimin e bizneseve jashtë kufijve, si dhe përmes blerjes së bonove të thesarit të qeverive gjetke në Evropë.
 
 “Mund të jetë rreth 20% e aktiveve të sistemit bankar, përafërsisht mund të jenë rreth 2.6 miliardë euro. rreth gjysma, 1.3 miliardë janë depozita me bankat e tjera, gjysma tjetër janë kredi, rreth 690 milionë, dhe 570 milionë janë tituj borxhi të qeverive ose subjekteve të vendeve veropiane”, thotë Kadareja.
 
Kaderja thotë se ky trend në rritje gjatë dy viteve të fundit penalizon biznesin shqiptar, ndaj të cilit bankat janë shumë dorështrënguara kur vjen fjala te kredidhënia.
 
Tendenca për të rritur investimet jashtë kufijve pranohet edhe nga Shoqata Shqiptare e Bankave. Por Sekretari ekzekutiv i saj Spiro Brumbulli thotë se zgjerimi i investimeve jashtë kufijve është bërë pa harruar për asnjë ccast tregun e brendshëm
 
“Ajo që na pengon është biznesi i madh. Dhe kjo ka një shpjegim. 35 kompanitë e mëdha që kanë më shumë se 50% të kredive me probleme, nuk mund të jenë më objekt i kredimarrjes”, thotë Brumbulli.
 
Brumbulli thotë se investimet jashtë kufijve janë afatshkurtra dhe se orientimi drejt tyre kjo ka ardhur si rezultat i situatës shumë të mirë të likuiditetit që ka sistemi yna bankar, por dhe rënies së ndjeshme të kërkesës për kredi nga biznesi i madh.

Vetë Banka e Shqipërisë thotë në raportin e fundit për tendencat në kreditim se në muajt tetor-nëntor 2016, ritmet e rritjes së kredisë për biznese u ngadalësuan në 2.3%, të ndikuara si nga një ofertë e shtrënguar për kredi, ashtu edhe nga një kërkesë e dobët nga bizneset.


dy.b/shqiptarja.com

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50