POP 5

Lajmet më të lexuara të 5 minutave të fundit

Ekonomi

Bankat ristrukturim të kredive deri në 31 mars 2021, eksperti: Vendimi ndihmon kredimarrësit, nuk rrit huatë e këqija

Shtyrja me tre muaj e afatit për ristrukturimin e kredive, për ekspertët e ekonomisë është vendim pozitiv që ndihmon klientët që kanë vështirësi për të paguar këstet. Po ashtu ky vendim i Bankës së Shqipërisë pritet të ndikojë në mbajtjen në nivel të qëndrueshëm kreditë me probleme.

Vendimi që ka marrë Banka e Shqipërisë për të shtyrë në kohë masat lehtësuese për bankat e nivelit të dytë, duke ju dhënë mundësinë që të ristrukturojnë kreditë për ata klientë që kanë vështirësi financiare, për ekspertët ishte i duhur.

“Kjo në një farë mënyrë është një autonomi që iu jep mundësi bankave të nivelit të dytë që të negociojnë me klientët e tyre direkt porsa i përket shtyrjes së kësteve të kredive apo negocimit të kontratave të kredive. Nga njëra anë mbron bizneset apo kreditorët privat që kanë marrë kredinë në bankë duke mos i vënë në vështirësi, por nga ana tjetër mbron edhe bankat në mos-rritjen e kredive të këqija”, shprehet eksperti i ekonomisë Klodian Muço.

Nëpërmjet vendimit të këshillit Mbikëqyrës, bankave ju jepet e drejta që nëpërmjet një marrëveshje me klientin që ka vështirësi të ndryshojnë kushtet e kredisë, afatin por edhe normën e interesit.

“Kam përshtypjen që do të bëhet më tepër me uljen e kësteve dhe me shtyrjen e kësteve, nuk do diskutohet ulja e normës së interesit, sepse bankat nuk kanë interes që të humbasin të ardhurat e veta”, shprehet eksperti.

Vijimi i masave lehtësuese sipas ekspertit është ndërmarrë edhe për shkak të frikës që kriza mund të afektojë sektorin bankar.

“Ajo që është frikë është që kjo krizë ekonomike të mos infektojë sistemin financiar, që të mos kalojmë nga një krizë ekonomike në një krizë financiare”, sqaron Muço. 

Nga moratoriumi që firmos Banka e Shqipërisë dhe Kryeministri Edi Rama në mars për të shtyrë dhe ristrukturuar kreditë përfituan mbi 25 mijë klientë dhe u rishikuan 2 miliardë euro kredi.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

SHBA/ Zjarret në Los Anxhelos, shkon në 10 bilanci i viktimave! Flakët dalin jashtë kontrollit, rrugë dhe lagje të tëra të shkatërruara

SHBA/ Zjarret në Los Anxhelos, shkon në 10 bilanci i viktimave! Flakët dalin jashtë kontrollit, rrugë dhe lagje të tëra të shkatërruara

10 Janar, 07:13