Edhe sot qytetarët shqiptarë në Kumanovë kanë larguar deputet e BDI-së nga Lagjja e Trimave. Edhe sot ashtu si para tre ditësh qytetarët kanë përzënë deputetët që erdhën për të parë situatën e krijuar nga përleshjet e dhunshme.

Tre deputetët e BDI-së së Ali Ahmeti nga zona e Kumanovës, Rexhail Ismaili, Mervan Xhemaili dhe Kaltrina Azizi, janë larguar nga banorët, duke u thënë se ata janë të padëshiruar në Kumanovë dhe në Lagjen e Trimave, ku 3 ditë më parë ndodhi një kaos i vërtetë i armatosur.

Në këtë rast nuk kanë munguar as fyerjet ndaj deputetëve të BDI-së së Kumanovës duke i akuzuar ata për tradhti ndaj shqiptarëve.

Kreu i BDI Ali Ahmeti nuk ka shkuar ende për të vizituar banorët e prekur nga sulmet dhe as nuk ka reaguar në lidje me këtë situatë.