Banorët e lagjes ‘5 Maji’ në njësinë nr 8 në Tiranës, mëngjesin e sotëm kanë depozituar një kallëzim penal në Prokurorinë e Posaçme , pasi kundërshtojnë shembjen e banesave të tyre, të cilat preken nga projekti për rindërtimin pas tërmetit si dhe rikualifikimit urban.
Përfaqësuesja e tyre ligjore, Adriana Kalaja në një deklaratë për mediat ka bërë me dije se kanë bërë kallëzim penal ndaj kryeministrit Edi Rama, Arben Ahmetajt, Elisa Spiropalit, Erion Veliajt, Gledis Nanos dhe Artan Lames. Ajo thotë se kush është e përfshirë në këtë aferë duhet t’i nënshtrohet hetimit, ndërsa ka shtuar se rindërtimi nuk është në interes të qytetarëve.
Pas protestave të vazhdueshme banorët i janë drejtuar sot institucioneve të drejtësisë, ndërsa kërkojnë garanci në lidhje me marrjen e shtëpisë së tyre të re, me vend dhe datë të caktuar. Ato shprehen se nuk kanë firmosur asnjë kontratë me bashkinë, dhe e cilësojnë atë si të njëanshme dhe jo transparente.
Liza Marku banorë në njësinë nr 8 përsëriti se nuk ka firmosur asnjë kontratë me bashkinë, ndërsa akuzoi policinë se është ka kryer sjellje të dhunshme ndaj saj.
‘Asnjë lloj kontratë nuk kam, dje nuk arritëm asgjë. Dje sa kam dalë nga takimi me Ramën, tha ‘ti mos u merr me këtë punë, se do marrësh shtëpinë’. Sa dola më morën në telefon nga bashkia dhe më thanë se na tha kryeministri. Policia është sjellë zi me mua, fëmijët m’i nxori zvarrë, edhe mua. Më nxorën zvarrë, mua një plakë 78 vjeçe, turpi i botës. Shkoj e rri aty te shtëpia, nën rrënoja.’- tha ajo.
Ato shprehen se kanë besim se SPAK do të nxjerrë në pah gjithë problematikat që ka projekti.
‘Ne kemi bërë sot kallëzim në SPAK dhe nuk do të tërhiqemi për asnjë lloj arsye. Gjithë problematika dalin në SPAK. Është dhënë çdo kërkesë, asnjë nga këto nuk ka kthyer asnjë informacion.’- u shprehën ato.
Në kuadër të projektit të rindërtimit dhe rikualifikimit urban në zonën e ‘5 Majit’, qindra banesa janë projektuar për t’u shembur nga IMT. Një pjesë e banorëve nuk kanë pranuar kontratat e propozuara nga bashkia, ku thuhet se do të përfitojnë kompensim të plotë, nëpërmjet shkëmbimit të pronës së tyre me objektet e reja që do të ndërtohen në lagjen e re me të njëjtat metra katror. Sipas tyre ajo është e njëanshme dhe nuk ka vlerë ligjore.
Lajme të tjera
-
Ergys Mërtiri: Ç'na tregoi më 23 Nëntor Altin Dumani?
24 Nëntor, 08:47
-
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
