POP 5

Lajmet më të lexuara të 5 minutave të fundit

Kultura

Banorët e fshatit Kthellë zbulojnë enën e qeramikës së kulturës ilire, ministrja: E regjistruam si pasuri kulturore

Në fshatin Kthellë të Mirditës disa orë më parë, banorët kanë rënë në gjurmët e një ene qeramike të vjetër. Në dukje tepër e lashtë, ata kanë lajmëruar specialistët e zonës për të kuptuar më shumë rreth vlerave të saj.

Banorët e fshatit Kthellë zbulojnë enën e qeramikës së kulturës ilire, ministrja: E regjistruam si pasuri kulturore

Ena e qeramikës

Në fshatin Kthellë të Mirditës disa orë më parë, banorët kanë rënë në gjurmët e një ene qeramike të vjetër. Në dukje tepër e lashtë, ata kanë lajmëruar specialistët e zonës për të kuptuar më shumë rreth vlerave të saj. Ministrja e Kulturës Elva Margariti, në një postim në rrjetet sociale bëri me dije se specialistët kanë arritur në konkluzionin se kjo enë i takon kulturës ilire dhe se i është nënshtruar një procesi restaurimi si dhe është regjistruar si pasuri kulturore.

“Një enë e plotë qeramike, që i takon “Kulturës Ilire të tumave të Matit” u identifikua në fshatin Kthellë të Mirditës. Specialistët e Institutit Kombëtar të Trashëgimisë Kulturore realizuan hulumtimin në terren të gjetjeve arkeologjike rastësore, pas njoftimit të dhënë nga banorët e zonës, pranë fshatit Kthellë në Mirditë, ku në sipërfaqe u konstatuan fragmente qeramike, bronzi, eshtrash etj.

Po në sipërfaqe u gjet edhe një enë e plotë. Sipas studimeve paraprake rezulton se objekti i zbuluar është një enë qeramike me dy vegje vertikale, të zhvilluara mbi buzë, që daton i periudhës së hekurit. Specialistët pranë Drejtorisë së Shërbimit Arkeologjik pranë IKTK realizuan gjithë procesin e pastrimit dhe të restaurimit të enës, si edhe regjistrimin e saj si pasuri kulturore në “Regjistrin Kombëtar të Pasurive Kulturore”. Paskëtaj specialistët e IKTK po vijojnë punën për studimin e materialit arkeologjik”, shkruan ministrja.

Ena e qeramikës e zbuluar në Kthellë të Mirditës

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eureka: 06/04/2022 19:11

    Po kjo enë,s'mund të ndodhej rastësisht, duhet skanuar zona e gërmuar terreni rreth e rrotull..

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça