Banorët e izoluar në Torivicë i ankohen Bashës: Jemi 70 familje me sytë nga qielli, askush në qeveri s’ka pyetur për ne

 

Kryedemokrati Lulzim Basha pasi ka parë nga afër banorët e zonave të përmbytura në Shkodër ka shkuar edhe në Torivicë të Lezhës.

Banorët i janë ankuar dhe i kanë kërkuar ndihmë, sidomos për qarkullimin e tyre. Ata thotë se askush nga qeveria nuk ka ardhur të interesohet për ta, t’i pyesë nëse kanë me se të ushqehen.

Ndërkohë që nesër rinis mësimi, banorët thonë se 44 fëmijë janë totalisht të izoluar.

Biseda e Bashës me banorët:

Basha: Si jeni?

Banori 1: Si në ujë

Basha: Është fut nëpër shtëpi?

Banori 1: Jo ende, por na ka mbyt ca ka gjet me jonxhë me grurë…

Sa ka shkuar lartësia e ujit?

Banori 1: Për zotin 80 cm

Basha: Sa familje janë?

Banori 1: Dy lagje këtu, mund të jenë më shumë se 50 familje me dëmtime, ja shifeni të gjithë nën ujë. S’ka ardh njeri i gjallë nga kjo qeveri me të pyet ca ka hëngër ky popull. A ka ndonjë të sëmurë? Si do dalë në rrugë?

Basha: Sa kohë ka kështu?

Banori 1: Na kështu i kemi tokat nën ujë që kur ra tërmeti e sëmundja, Tokat të përmbytura të tëra populli i madh, as prodhim kemi, asgjë.

Banori 2: Është çarë asfalti a e patë?

Basha: E pashë, por besoj e patë edhe ju çfarë kishte poshtë asfaltit

Basha: Pra 70 famije keni ngel të izoluar këtu?

Banori 2: Po, po imagjino nesër ka 44 fëmijë që duhet të shkojnë në shkollë. Ndaj i bëjmë thirrje për fëmijët ministrisë.

Lajmi kryesor:

Përmbytjet/ Rama dhe Basha 'takohen' në Shkodër! Kryeministri: Dëmet të vogla krahasuar me 2010! Kreu demokrat: S'është koha për politikë, duhen masa urgjente

/b.ha./Shqiptarja.com

TAG:
• edi rama
• Shkoder
• permbytje
• lulzim basha
• Lezhe
• permbytje 2021