Banorët e Krujës në protestë: Prej një viti nuk ka asnjë projekt për rindërtimin pas tëmretit, kujt kanë dashur i kanë dhënë para (VIDEO)

Banorë të dëmtuar nga tërmeti i 26 nëntorit 2019 nga të gjitha lagjet e qytetit të Krujës janë ngritur sot në një protestë përpara Bashkisë Krujë. Banorët duan të dinë nga bashkia se kur do fillojë shembja dhe rindërtimi i pallateve dhe banesave të dala jashtë funksionit nga tërmeti.

Banoret shprehen se ata trajtohen rregullisht me bonus qeraje, por atyre i qe premtuar se nëntorin e 2020-tës ata do futeshin nëpër banesat e tyre, por kjo gjë nuk ka ndodhur. Ata thonë se ka kaluar një vit dhe asnjë pallat nuk është shembur akoma, e jo më që të ri nisë rindërtimi. Sipas tyre, rindërtimi në Thumanë, Fushë-Krujë dhe Bubq ka filluar, por në Krujë jo.

"Ne kemi probleme me shtëpinë, pasi nuk kemi asnjë lloj projekti, i vetmi qytet që nuk po fillon asnjë lloj gjëje.

LEXO EDHE:
Mozambiku në kaos pas protestave, 33 të vdekur nga revolta në burg dhe mbi 1500 të arratisur

Banorët shprehen se nuk e përballojnë jetesën me qira, pasi qiraja është më e lartë se bonusi dhe ambientet për familje me shumë anëtarë është e vështirë që të gjenden. Ata thonë se janë detyruar që të ndahen, ku një pjesë e familjes jeton në një shtëpi dhe pjesa tjetër në një shtëpi tjetër. Fushë Kruja ka filluar, Thumana ka filluar, në nuk kemi asgjë as me kryetarin e Bashkisë, as me nënkryetarin. Si është e mundur që të fillojë Thumana dhe Fushë-Kruja dhe Kruja jo. Këtu ka diçka sepse këtu nuk ka asnjë projekt. Populli nuk del se ka frikë se i heqin bonusin a i heqin prej pune, nuk e di. Ne s'po kërkojmë as bukë as gjë, ne po kërkojmë shtëpiat që na i prishi. Nuk na i prishi shteti, por shteti ka marrë gjithë ato lekë nga bota, për çfarë i ka marrë, a i ka marrë me na i bë shtëpitë. Bonusin e qerasë e marrim, nuk kemi problem me të, po akoma nuk po fillojnë shtëpitë. Ose nuk na duan, ose e kanë inat Krujën, nuk e di se çfarë bëhet. Faji është i dy partive bashkë që u bashkuan dhe na bënë me Fushë-Krujën bashkë. Çfarë pune kishim ne me Fushë-Krujën bashkë, ishim mirë. Se është turp gjithë ky siklet, nuk ka një drejtues, gjithë ky qytet ka njerëz intelektual sa të duash, drejtora, nëndrejtora, të gjithë janë prej Fushe, asnjë nuk kemi krutanë. Turpi më i madh, gjithë ky qytet", shprehet një banor.

"Kam shkuar në Bashki më ka pritur një gocë, e më tha që nuk ka ardhur kryetari Turbushi, po 15 ditë nuk vinte Turbushi këtu. Janë tallur se kë ka dashur me i dhënë para u ka dhënë sa ka dashur, e u ka dhënë milionat. Unë kam pasur jetima në shtëpi dhe nuk ka ardhur kush me më pa as jetimat, as ndihma s'më kanë dhënë. Asnjë rrugë zgjidhje nuk kam pasur", tha një banore.

Banorët takuan sekretarin e Bashkisë Florind Cerhozi, i cili u kërkoi banorëve të bëjnë një kërkesë me shkrim, të cilën ai do t'ua referojë Fondit Shqiptar të Zhvillimit, pasi rindërtimi varet  nga ata.

Gjithashtu Cerhozi i tha banorëve se rindërtimi i banesave do bëhet aty ku ata ndodhen aktualisht.

TAG:
• proteste
• krujë
• rindertimi pas termetit

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq