POP 5

Lajmet më të lexuara të 5 minutave të fundit

Kronikë

Banorët ‘zbuluan’ rrjetin e prostitucionit, drejtuesja kolumbiane mashtronte vajzat me punësim në Tiranë! Fitimet përmes Bitcoin dhe roli i efektives tutore

Një rrjet prostitucioni që dirigjohej nga Kolumbia në Tiranë u shkatërrua me 11 urdhër-arreste. Ishin banorët e komplekseve të pallateve që zbuluan rrjetin, ndërsa koka e grupit është ende në kërkim. Ajo mashtroi të paktën 44 të reja kolumbiane duke i shfrytëzuar për prostitucion në vendin tonë. Efektivja tutore siguronte që mos të ushtroheshin kontrolle në ambientet ku ushtrohej prostitucioni, ndërsa taksisti i dërgonte paratë përmes bitcoin.

Banorët ‘zbuluan’ rrjetin e prostitucionit, drejtuesja kolumbiane mashtronte vajzat me punësim në Tiranë! Fitimet përmes Bitcoin dhe roli i efektives tutore

Gabriela Martinez, drejtuesja e grupit

TIRANË- Gabriela Martinez, 47 vjeçe, ishte koka e një rrjeti të gjerë prostitucioni të shtrirë në Tiranë, që u godit më 21 mars nga sektori i Antitrafikut në Policinë e Tiranës, duke çuar në arrest edhe një efektive policie. Dirigjuesja Martinez është ende në kërkim dhe dyshohet se fshihet në Kolumbi, nga ku drejtonte grupin në bashkëpunim me efektiven Anisa Brahaj, që ishte edhe tutorja, por edhe taksistin Esmerald Sulollari, 39 vjeç, që merrte vajzat kolumbiane nga Rinasi, të cilat më pas shfrytëzoheshin për prostitucion.

Por si u zbulua rrjeti?

Kanë qenë banorë të pallateve që janë ankuar në Policinë e Tiranës, pas hyrjeve dhe daljeve të dyshimta të 44 vajzave nga Kolumbia, të cilat tashmë janë në hetim. Vajzat merrnin me qira apartamente Airbnb në komplekse të ndryshme pallatesh në Tiranë. Pas këtyre denoncimeve, sektori i Antitrafikut zbuloi rrjetin e prostitucionit dhe pas 5 muajsh hetime u zbulua skema e mirëorganizuar.

Si rekrutoheshin vajzat?

Martinez ka arritur që të rekrutojë 44 vajza kolumbiane në Tiranë dhe i ka shfrytëzuar për prostitucion. Kontaktin e parë me vajzat e krijonte përmes një agjencie udhëtimi që kolumbiania dyshohet se ka në pronësi të saj në Kolumbi dhe përmes saj mashtronte të rejat për t’i sjellë në vendin tonë për punësim. Më pas, mësohet se drejtuesja e grupit, investonte tek vajzat e rekrutuara me operacione plastike. 44 vajzat e vëna në hetim janë të moshës nga 18 vjeç deri në 35 vjeç.

Pagesat për një vajzë varionin deri në 250 euro dhe të gjitha të rejat regjistroheshin në faqet online të eskortave. Fillimisht të rejat do duhet t’i shlyenin drejtueses së grupit pagesat deri në 4 mijë euro për operacionet plastike dhe pas shlyerjes së ‘borxhit’ fitimet ndaheshin përgjysmë. Pagesat mësohet se drejtuesja kolumbiane i merrte përmes taksistit Sulollari, i cili ia niste përmes pikave të transfertave të parave ose me Bitcoin.

Nga hetimet ka rezultuar se në vitin 2023, Gabriela Martinez kishte ardhur në vendin tonë dhe ishte takuar me taksistin Esmerald Sulollarin. Pasi ai u arrestua në celularin e tij u gjendën edhe bisedat mes tyre.

Efektivja në rolin e tutores

Në skemë ishte e përfshirë edhe një police e komisariatit numër 4, Anisa Brahaj, e cila kishte rolin e tutores. Ajo siguronte drejtuesen kolumbiane se në ambientet ku ushtrohej prostitucioni nuk do të kishte kontrolle, madje nëse ndonjë prej vajzave do të shoqërohej në polici, do të ndërhynte për liruar. Policja 34-vjeçare aktualisht ndodhet në masën arrest në shtëpi për veprat penale për veprat penale “Prostitucion” dhe “Mbajtja e lokaleve për prostitucion”. Ndërsa, drejtuesja e grupit rezulton në kërkim bashkë me 2 të tjerë, një të huaj 22 vjeçe dhe një shqiptar 30 vjeç.

Arrest në burg
1. Esmerald Sulollari, 39-vjeç, për veprat penale “Trafikimi i personave të rritur” e kryer ne bashkëpunim , “Shfrytëzim i prostitucionit”
2. Yuly Gomez, 33-vjeçe, për veprën penale “Prostitucion”, “Shfrytëzim i prostitucionit” dhe “Mbajtja e lokaleve për prostitucion”
3. Liliana Valencia, 23-vjeçe, për veprat penale “Prostitucion”, “Shfrytëzim i prostitucionit” dhe “Mbajtja e lokaleve për prostitucion”
4. Nicol Benitez, 27-vjeçe, për veprën penale “Prostitucion”,  “Veprim që pengojnë zbulimin e së vërtetës” dhe “Deklaratë e rreme përpara oficerit të policisë gjyqësore”
5. Stefania Marin, 29-vjeçe, për veprën penale “Prostitucion” dhe “Mbajtja e lokaleve për prostitucion”
6. Nicole Bertel, 27-vjeçe, për veprat penale “Prostitucion” dhe “Mbajtja e lokaleve për prostitucion”:
Arrest në Shtëpi
1. Elona Muraj, 47-vjeçe, si e dyshuar për veprat penale “Trafikimi i personave të rritur” e kryer ne bashkëpunim, “Shfrytëzim i prostitucionit”.
2. Anisa Brahaj, 34 vjeçe, për veprat penale “Prostitucion” dhe “Mbajtja e lokaleve për prostitucion”. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Mars, 23:36

    Zgjedhjet e 11 majit, a i besoni premtimet e partive?

Lajme të tjera



×

Lajmi i fundit

Rama: Synojmë të organizojmë një panair të përvitshëm për start up-et, mund të nisim që këtë vit 

Rama: Synojmë të organizojmë një panair të përvitshëm për start up-et, mund të nisim që këtë vit 

25 Mars, 14:40