Barazim mes polemikash për Bylisin dhe Vllazninë, Laçi likuidon me Xhixhën Skënderbeun

Janë zhvilluar sot dy ndeshjet e fundit të javës së 20 të Superligës, me takimin Bylis-Vllaznia që pati vëmendjen më të madhe dhe u mbyll me shifrat 2-2. Shkodranët kaluan në avantazh që në minutën e dytë me Malotën, ndërsa vendasit përmbysën gjithçka deri në minutën e shtatë. Në pjesën e dytë një gol i kapitenit Lika vulosi rezultatin, por sfida u mbyll me shumë polemika. Kjo pasi në fundin e lojës arbitri akordoi një penallti për Bylisin, që pas konsultimit me anësorin e anulloi.

Ndërkohë ndeshja tjetër e zhvilluar në Laç mes kurbinasve dhe Skënderbeut u mbyll me rezultatin 1-0. Golin me vlerë tre pikët për ekipin e drejtuar nga Cungu e realizoi Xhixha në pjesën e dytë.

Këto ishin edhe takimet për javën e 20 të Superligës që sheh Kukësin si udhëheqës me 38 pikë, 1 më shumë se Tirana ndjekëse. Ndërkohë Flamurtari vijon e fundit me 6 pikë, ndërsa Luftëtari renditet i parafundit me dyfishin e pikëve të Flamurtarit. Rrezikon edhe Skënderbeu që aktualisht mban vendin e tetë e që në fund të kampionatit bën ‘play-off’ për të dalë nga Superliga.

Ndërkohë sot është mësuar edhe kalendari i javës së ardhshme, me derbin e Shqipërisë Vllaznia-Tirana, që luhet të premten. Të shtunën do të jenë katër ndeshjet e tjera të cilat luhen ndërmjet Kukësit dhe Laçit, Skënderbeut dhe Bylisit, Partizanit dhe Flamurtarit si dhe ndërmjet Teutës e Flamurtarit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!