POP 5

Lajmet më të lexuara të 5 minutave të fundit

Sport

Barazimi i thatë në derbi, trajneri i Partizanit: Ndikoi lodhja! Mehmeti i Dinamos: 'Demat' kanë organikë për dy ekipe

Trajneri i Partizanit Arbër Abilaliaj thotë se lodhja e lojtarëve, pasi të kuqtë kanë luajtur edhe në Europë, ndikoi që të mos fitonin kundër Dinamos. Sakaq trajneri i ‘nëndetëses’ Dritan Mehmeti ishte i kënaqur me rezultatin, pasi sipas tij Partizani ka një organikë shumë të fortë.

Për të dytën javë me rradhë Partizani kampion në fuqi është ndalur në barazim. Këtë herë të kuqtë e mbyllën me rezultatin e bardhë 0-0, ashtu siç e nisën derbin me Dinamon të zhvilluar në Arenën e Demave.

“Është normale që futbollistë si Rrapaj, Taipi apo Murataj e kanë ndeshjen e 22 të sezonit, gati 2/3 e kampionatit dhe normal që do ndiejnë lodhje se kampionati po zhvillohet 2-3 ditë,”-tha Arbër Abilaliaj, trajner i Partizanit.

Më e keqardhur për barazimin ishte Dinamo, që shpërdoroi disa raste të arta, ndërsa Partizani në këtë sfidë zbriti me 9 mungesa.

“Partizani është skuadër që ka dy ekipe. Po të marrim ekipin B e shohim se është i gatshëm gjithashtu të luajë si ekipi A. Mendoj që nuk ndikojnë mungesat te Partizani sepse ata të cilët lozën zëvendësojnë shumë mirë ata që nuk ishin. Kjo u pa,”-u shpreh Dritan Mehmeti, trajner i Dinamos.

Javën e ardhshme, të 15 e Superligës, Partizani luan derbin me Tiranën, që në ndeshjen më të rëndësishme të futbollit shqiptar vjen pas disfatës së pësuar nga Erzeni. Të hënën bardheblutë u mposhtën 1-0 nga shijakasit.

“Dihet rëndësia e derbit nga ana e pikëve dhe ana psikologjike. Në këto 4 ditët e ardhshmë është gjëja më e rëndësishme që çdo pjestar apo individ i komunitet të kuq duhet të mendojë,”-tha Arbër Abilaliaj, trajner i Partizanit.

Brazimi kundër Dinamos dhe më herët kundër Egnatias për Partizanin vijnë pas një ecurie rekord që të kuqtë patën në Superligë me 6 fitore rradhazi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

'Mos më kanë vënë çip në kokë', Vuçiç kapet keq me gazetaren për vizitën e Xi Jinping: Jeni çmendur të gjithë

'Mos më kanë vënë çip në kokë', Vuçiç kapet keq me gazetaren për vizitën e Xi Jinping: Jeni çmendur të gjithë

30 Prill, 15:39