Barazimi me dhjetë futbollistë, Zoran Zekic: Partizanit i duhet një lojtar që shënon

Partizani ia doli të siguronte një pikë në transfertë, duke barazuar 0-0 kundër Vllaznisë në "Loro Boriçi". Pas javës së tretë në Superligë, për mediet trajneri i "Demave", Zoran Zekic tha se klubi duhet të gjejë një futbollist që shënon, pas rasteve të krijuara.

"Ne kemi luajtur 85 minuta me një lojtar më pak, vuajtëm dhe duhet të ndërtonim diçka në këtë ndeshje. Sot treguam karakter, ishim të disiplinuar, si duhej ta bënim me 11 lojtarë. Ishim mirë me topin, në pjesën e parë kishim shumë mundësi. Ne kishim shanse por nuk shënuam. Ky është problemi ynë, se nuk shënojmë. Një skuadër si Partizani duhet të gjejë personin që duhet të shënojë se ashtu mund të ngjitet edhe më lart", tha Zekic për mediet.

LEXO EDHE:
Forumi për Ballkanin, ish-presidenti i Kroacisë nga Tirana: Zgjidhje paqësore për luftën në Ukrainë, Europa të jetë e bashkuar

Lajmi kryesor:

GOLAT/ Tirana përmbys Skënderbeun në kryeqytet, bardheblutë marrin kreun e Superligës! Vllaznia dhe Partizani barazojnë pa gola në Shkodër

S.DH/Shqiptarja.com

TAG:
• partizani
• Vllaznia
• tirana
• skenderbeu
• superliga shqiptare