Barazimi në transfertë, Orges Shehi: Ndeshje me dy tablo, zëvendësimet na ndihmuan

Barazimi në transfertë, Orges Shehi: Ndeshje me dy tablo, zëvendësimet na ndihmuan

Orges Shehi, trajneri i Tiranës

Bylis dhe Tirana barazuan 1-1 për javën e 26-të në Superligë. Pas ndeshjes për Oversport foli edhe trajneri i Tiranës, Orges Shehi. Durrsaku tha se ky duel ishte me dy tablo dhe se zëvendësimet bënë që dueli të barazohej.

"Ishte një ndeshje me dy tablo. Pjesa e parë ishte për t'u harruar dhe ndoshta meritonim të pësonim gol për mënyrën si po luanim. Ndërsa pjesa e dytë foli për ne edhe për disa lëvizje që bëmë. Pësuam një gol, por më pas ushtruam presion. Arritëm të shënonim, kishim edhe një shans tjetër, por i tillë është futbolli. Pjesët nuk korrespodojnë me njëra-tjetrën.

Mungesat? Patrick do të mungojë për pjesën e mbetur të sezonit, por me këtë organikë duhet të arrijmë objektivat. Duhet të luajmë topin që poshtë, duke vënë të gjithë skuadrën në kontakt me topin dhe të rrezikojmë më shumë.

Forma e Hasanit? Florenti është lojtari ynë kryesor. U dëmtua Patrick ndërsa Xhixha u largua. Florenti po bën mirë, por shpresojmë që të rikthehet edhe Abazaj dhe të shënojnë edhe lojtarët e tjerë të skuadrës", tha Orges Shehi.


Lajmi kryesor:

GOLAT/ Tirana lë pikë në Ballsh, Bylis ndal kryesuesit e Superligës! Erzeni dhe Kukësi 2 gola në Durrës


S.DH/Shqiptarja.com
  • Sondazhi i ditës:

    A duhet të lejohet mjeku të punojë njëkohësisht në spital publik e privat?



×

Lajmi i fundit

Lamtumira për Ismail Kadarenë/ Helena me të zeza mbërrin në TKOB e shoqëron Veliaj

Lamtumira për Ismail Kadarenë/ Helena me të zeza mbërrin në TKOB e shoqëron Veliaj