Skuadra e Luis Enrique në “Camp Nou” fiton me një poker golash ndaj Celta Vigo në shifrat 5-0. Festivalin e golave e hap Leo Messi por do të jetë edhe ai që do e mbyll duke realizuar edhe golin e pestë.
Golat e tjerë mbajnë firmën e Neymar,Umtiti e Rakitic.Zyrtarizimi i largimit të trajnerit duket se nuk e ka turbulluar situatën tek katalanasit të cilët vijojnë të fitojnë me goleada dhe të paralajmërojnë PSG-në për ndeshjen e Champions.
Në Itali vjen edhe fitorja e tretë radhazi e Milanit të Montellës që në ndeshjen e javës së 27-të të Serisë A ka mposhtur 3-1 Chievon duke u ngjitur në vend të pestë në klasifikim. Protagonist i ndeshjes ishte Carlos Bacca. Sulmuesi kolumbian shënoi dy gola në minutat 24 dhe 70 por humbi edhe një penallti.
Nga pika e bardhë nuk gaboi Lapadula ndërsa De Guzman kishte barazuar përkohësisht për Chievon.
Redaksia Online
(B.K/Shqiptarja.com)