Barcelona kishte fituar ndeshjen e parë 1-0 në fushën e vet, teksa sonte në Valencia triumfoi përsëri 2-0 dhe me rezultatin e përgjithshëm 3-0 kalon në finale ku do të përballet me Sevillan.
Pjesa e parë u mbyll pa gola, ndërsa trajneri Valverde hedh në fushën e lojës në fraksionin e dytë Coutinhon. Është pikërisht braziliani që u ble në merkaton e janarit që kalon Barcelonën në avantazh në minutën e 49-të. Ky është goli i parë i Coutinhos me fanellën e katalanasve.
Ai që vulosi fitoren e pastër të Barcelonës ishte Rakitic në minutën e 82-të.
Redaksia Online
A.D/shqiptarja.com