POP 5

Lajmet më të lexuara të 5 minutave të fundit

Politikë

Basha i delegon kreun e grupit Flutura Açkës, Bardhi debat me Nikollën: Doni të na diktoni kryetarin e grupit

Lulzim Basha ka njoftuar Kuvendin se ia delegon deputetes Flutura Açka kryesimin e grupit parlamentar të PD. Njoftimi i lexuar nga Lindita Nikolla shkaktoi tensione mes Gazment Bardhit dhe kryetares së Kuvendit ndërsa nuk mungoi as debati mes deputetëve të PD-së.

Dilema se kujt i përket drejtimi i grupit parlamentar të Partisë Demokratike, Lulzim Bashës, apo të shkarkuarit prej tij Gazment Bardhit, shkaktoi sërish tension në Kuvend. Do të mjaftonte leximi nga kryeparlamentarja Lindita Nikolla i njoftimit se Basha ia delegonte detyrën e kreut të grupit parlamentar, deputetes Flutura Açka që të niste përplasja me Gazment Bardhin, i cili pretendon se ende mban drejtimin në parlament të deputetëve demokratë.

“Grupi i PD nuk ka bërë asnjë ndryshim të kryetarit. Për anëtarët e grupit të PD është e papranueshme që maxhoranca të ndërhyjë në punët e brendshme të grupit parlamentar të PD-së”, thuhet në letrën e Gazment Bardhit drejtuar kryetares së Kuvendit, Lindita Nikolla.

Bardhi thotë se kreun e grupit e përcaktojnë vetë deputetët ndërsa akuzoi kryeparlamnetaren se po provokon opozitën. Në një letër drejtuar Nikollës më parë ai e njoftonte se asnjë ndryshim në rregullore dhe në drejtimin e grupit parlamentar të PD nuk ishte bërë.

Bardhi: Ka 10 ditë e thotë po pres konsulencën juridike. Doni të na diktoni 50 deputetëve të opozitës që nuk do e zgjidhni ju kryetarin tuaj por ne. Prandaj ke thirrur në konsultim kryetarin e PS. Nënkryetarin e parlamentit Felaj

Nikolla: Nuk rrini tek vrima e çelësit... 

Bardhi: Duhej të prisje kryetarin e grupit PD e të mos presësh lloj jlloj zari në zyrë.

Ky moment, krijoi tension edhe mes Bardhit, e deputetit Arbi Agalliu, që mbështet Lulzim Bashën.

Ndaj Bashës, një koment ironik erdhi edhe nga deputeti Agron Gjekmarkaj.

“Ne për fat të keq kemi pasur shumë probleme me matematikën, 7 herë 78 bëjnë 42 dhe s’na kanë dalë mirë llogaritë për 10 vite. Në fakt matematicieni në fjalë ka vetëm 7 numra dhe s’ka me ca e shumëzon që të behën 49”, tha Gjekmarkaj.

Kuvendi pritet të flasë përmes drejtorisë juridike fjalën e fundit se vendimet e kujt do të njohë, ato të Lulzim Bashës që drejton PD-në dhe vulos për të, apo Gazment Bardhit që aktualisht ka mbështetje më të madhe të deputetëve të opozitës.

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord me nismën e Kishës Katolike për ndalimin e simboleve komuniste?

Lajme të tjera



×

Lajmi i fundit

Von der Leyen: Duhet të vazhdojmë të mbështesim Ukrainën

Von der Leyen: Duhet të vazhdojmë të mbështesim Ukrainën

30 Nëntor, 15:37