Bardhi-Berisha pranojnë bashkimin përtej parlamentit: Të unifikojmë qëndrimet në Kuvend

Ajo që po ndodh brenda mureve të Kuvendit ku për disa të marta radhazi, ulen në një tryezë të përbashkët, mund të çojë në aksion të përbashkët edhe në terren Sali Berishën dhe Gazment Bardhin, e cili ende deklaron se nuk e njeh ish kryeministrin kryetar të PD, sikurse ky i fundit pretendon.

Të pyetur nga Report Tv, Bardhi e Berisha pranojnë idenë e takimeve të përbashkëta me demokratët.

Gazment Bardhi Çdo deputet i Partisë Demokratike ka për detyrë të bëjë takime, me demokratët, me qytetarët. Është detyra jonë të jemi pranë qytetarëve dhe të dëgjojmë hallet e tyre.

‘Ju siguroj se diskutime intensive, pozitive po zhvillohen dhe të gjitha këto që thoni ju do të ndodhin. Kurdo që ta gjykojmë oportune. Gazment Bardhi është kryetari i grupit parlament të PD, i të gjithë deputetëve të PD, përveç një grupi të vogël që kanë mbetur dhe uroj të kuptojnë greminën e turpit në të cilën po i fut Lulzim Pengu, sepse ata nuk janë aty si deputetë për tu keqpërdorur nga Lulzim Pengu dhe Edi Rama, por janë për tu qëndruar besnik idealeve dhe ti bashkohen sa më parë grupit të PD.’- tha Berisha.

Pas takimit, Bardhi dhe Berisha folën për përshkallëzim të reagimit në seancat plenare, por përjashtojnë bojkotin.

‘Nëse ke vendosur të bllokosh opozitën do duhet të marrësh pas dhe pasojën, të pengohet funksionimi normal i parlamentit.’- tha Bardhi.

“Situatës së jashtëzakonshme të krijuar në parlament nga Edi Rama, grupi parlamentar e konsideron këtë një situatë të jashtëzakonshme dhe garanton qytetarët se që në seancën e ardhshme dhe në vazhdim, do të japë çdo përgjigje të merituar.”- tha Berisha.

Bardhi deklaroi se do të ketë edhe deputetë nga radhët e mbështetësve të Lulzim Bashës që do t’i bashkohen takimeve të përbashkëta të 43 deputetëve të opozitës.

Rendit zhvillimet sipas orarit:

Të Fundit Të Parat

SI.E./M.Q./Shqiptarja.com

TAG:
• sali berisha
• gazment bardhi
• Lufta brenda PD