Baret e restorantet kërkesë Ramës: Efektet e pandemisë të pakonceptueshme! Të rishikohet orari i lejimit të muzikës dhe i mbylljes së aktivitetit të lokaleve

Baret e restorantet kërkesë Ramës: Efektet e pandemisë të pakonceptueshme! Të rishikohet orari i lejimit të muzikës dhe i mbylljes së aktivitetit të lokaleve

Foto ilustruese

Restorante dhe baret në vend, nëpërmjet shoqatës "Bar Restaurants dhe Club" i kanë kërkuar kryeministrit Edi Rama që të rishikojë disa nga masat anti-COVID që janë në fuqi.

Nëpërmjet një letre drejtuar Ramës, ministrit Arben Ahmetaj dhe ministres së Shëndetësisë, Ogerta Manastirliu, ata shprehen se kanë pasoja "të pakonceptueshme" si rezultat i pandemisë së COVID, për shkak të rënies së xhiros

Baret dhe restorantet kërkojnë rishikim të orarit për lejimin e muzikës, që është përcaktuar deri në orën 22:00 dhe po ashtu edhe të mbylljes së aktivitetit të lokaleve, që tani lejohen deri në orën 23:00.

"Kërkojmë rishikimin e orarit të muzikës pasi nuk mendojmë që qytetarët duhet të edukohen me muzikën e betoniereve që punojnë orar pa orar. Rishikimin e orarit të mbylljes së aktivitetit tonë pasi kjo mbyllje ekziston për bllokun e qendrën e qytetit dhe për sheshet e koncertet nuk ka as orare dhe as pengesa në grumbullime masive", thuhet në letrën dërguar kryeministrit Rama.

Po ashtu ata kanë kërkuar edhe marrjen e masave lehtësuese si uljen e TVSH-së në të njëjtin nivel si sektori i turizmit dhe agroturizmit.

Një ditë më parë, ishte Unioni Turistik që i dërgoi një kërkesë Ministrisë së Shëndetësisë për të parë mundësinë e zgjerimit të mëtejshëm të masave anti-COVID.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Përplasi për vdekje me ‘Range Rover’ 52-vjeçarin, arrestohet i riu në Fier

Përplasi për vdekje me ‘Range Rover’ 52-vjeçarin, arrestohet i riu në Fier