Basha 'zapton' foltoren e Kuvendit, Nikolla e përjashton nga seanca! Kryetari i PD-së 'shpërthen' në të qeshura

Kreu i PD, Lulzim Basha ka bllokuar foltoren e Kuvendit, ndërsa kërkon të marrë fjalën për të folur mbi Reformën Zgjedhore. Kreu i PD ka bllokuar foltoren duke mos lejuar ministrin Mete që të marrë fjalën.

Pavarësisht paralajmërimeve të Nikollës që të lirojë foltoren pasi në senacë do diskutohej rendi i ditës, Basha nuk u tërhoq. Kryeparlamentarja e përjashtoi nga seanca dhe dha 5 minuta pushim ne kërkesë të kreut të grupit të PD, Bledi Çuçit.

“Ju lutem lironi foltoren se do ju përjashtoj nga seanca. Ju lutem lejoni foltoren. Nuk ua jap fjalën. Kur shoh që nuk i përmbaheni procedurës kam të drejtën t’iu heq fjalën sipas rregullores. Mos pengoni rendin e ditës. Do vijojmë me rendin e ditës.  Jeni i përjashtuar nga seanca për zaptim të Foltores. Jeni i përjashtuar”, tha Nikolla.

LEXO EDHE:
PD i përgjigjet sulmeve të Metës, risjellë akuzat e tij për Berishën: E kam dhënë njëherë dorëheqjen për Shkëlzenin

Pas vendimit për përjashtimin e tij, Basha qeshi dhe refuzoi të largohej nga salla e Parlamentit dhe Nikolla vendosi të ndërpresë seancën për 5 minuta.

Pas vendimit për përjashtimin e tij, Basha “shpërtheu” në të qeshura.

Lajmi kryesor:

Kuvend/ PS e Rithemelimi bashkojnë votat, ngrejnë komision hetimor për Shëndetësinë e TIMS! 12 orë seancë! Basha përjashtohet, akuzon për pazare me reformën zgjedhore

SI.E./Shqiptarja.com

TAG:
• komisioni hetimor per Tims
• komisioni hetimor per shendetesine
• lulzim basha
• komisione hetimore
• kuvend
• TIMS