POP 5

Lajmet më të lexuara të 5 minutave të fundit

Politikë

Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit

Me një postim në rrjetin social Facebook, Basha e cilësoi Dakon si një "hajdut të dobishëm" për Edi Ramën, duke akuzuar se ai ka shndërruar Bashkinë e Durrësit në një vatër korrupsioni dhe ka shërbyer për interesa elektorale dhe kriminale. “Sanksionimi i Dakos nga SHBA dhe dënimi i tij nga GJKKO janë tregues të degradimit të pushtetit të Ramës”, shprehet kreu i Demokratëve Euroatlantikë

Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit

Lulzim Basha, kreu i PD-Demokratët Euroatlantikë

Kreu i PD-Demokratët Euroatlantikë, Lulzim Basha, ka reaguar sot (25 Nëntor) për dënimin e ish-kryebashkiakut të Durrësit, Vangjush Dako.

Me anë të një postimi në rrjetin social Facebook, ai e cilësoi Dakon si një "hajdut të dobishëm" për Edi Ramën, duke akuzuar se ai ka shndërruar Bashkinë e Durrësit në një vatër korrupsioni dhe ka shërbyer për interesa elektorale dhe kriminale.

Basha shkruan ndër të tjera se “sanksionimi i Dakos nga SHBA dhe dënimi i tij nga GJKKO janë tregues të degradimit të pushtetit të Ramës”, por se hetimet duhet të shkojnë më thellë për lidhjet e Dakos me krimin.

Ai kërkoi që hetimet për dosjen famëkeqe 339 të vazhdojnë, duke theksuar “nevojën për ndarje të politikës nga krimi dhe luftë të fortë kundër korrupsionit”.

Postimi i plotë i Lulzim Bashës:

“Vangjush Dako është një nga hajdutët e dobishëm të Edi Ramës, përmes të cilit e ktheu Bashkinë e Durrësit në një vatër korrupsioni, në shërbim të interesave ekonomike dhe elektorale të pushtetit dhe krimit të organizuar.

Sanksionimi i tij si “non grata” nga Shtetet e Bashkuara të Amerikës dhe dënimi nga GJKKO, janë tregues të degradimit të pushtetit të Edi Ramës, i cili ka përdorur Dakon për vjedhjen e zgjedhjeve dhe shkatërrimin e Durrësit, e po ashtu ka qenë një nga mbrojtësit më të ethshëm të ish-kryebashkiakut, duke i krijuar ndër vite një imunitet të paligjshëm.

Vendimi i sotëm i GJKKO është një hap i parë pozitiv, por i pamjaftueshëm. Vangjush Dako duhet të hetohet për lidhjet e tij me krimin dhe përdorimin e pushtetit në funksion të organizatave kriminale në këmbim të votave.

E gjithë bota e ka dëgjuar përmes BILD se si Dako bashkëpunonte me krimin e organizuar për të përfituar vota në Durrës. Dosja famëkeqe 339 nuk mund të harrohet, por duhet t'i shkohet deri në fund hetimeve. Ndarja e politikës nga krimi dhe lufta kundër korrupsionit janë kusht për zgjedhje të lira dhe të ndershme dhe për një qeveri që i shërben qytetarëve. Shqipëria meriton më shumë!”

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem Lala: 25/11/2024 20:46

    O zot kur bo politik dhe luli hipolit.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57