POP 5

Lajmet më të lexuara të 5 minutave të fundit

Politikë

Basha: Destabilitet politik nëse
reforma shkon në Parlament

Futja në mënyrë të njëanshme në kalendarin e punimeve të Kuvendit, jo vetëm që është një akti i papranueshme për opozitën, por ky hap do të sjellë pasoja të parikuperueshme. Ndërsa mësohet se që prej të premtes, mazhoranca ka ndërprerë çdo komunikim me opozitën për këtë çështje.  VIDEO
Basha: Destabilitet politik nëse<br />reforma shkon në Parlament
Futja në mënyrë të njëanshme në kalendarin e punimeve të Kuvendit, jo vetëm që është një akti i papranueshme për opozitën, por ky hap do të sjellë pasoja të parikuperueshme. Ndërsa mësohet se që prej të premtes, mazhoranca ka ndërprerë çdo komunikim me opozitën për këtë çështje. Pas mbledhjes me parlamentarët demokratë, kryetari i opozitës Lulzim Basha, tha se me këtë akt, Kryeministri është vetëdenoncuar si armiku i reformës i cili po merr përsipër dështimin e saj edhe për të paktën një vit. Ky veprim sipas Bashës rrezikon të destabilizojë politikisht vendin. 

"Duke avancuar në mënyrë të njëanshme në Parlament kërkesën për të miratuar një draft kushtetues i cili kap drejtësinë, Edi Rama ka marrë përsipër shtyrjen për të paktën një vit të reformës në drejtësi dhe në anën tjetër delegjitimimin e Parlamentit dhe destabilizimin politik të Shqipërisë. Kjo ne nuk na habit. Jemi ndeshur me këtë axhendë të Edi Ramës që ditën e parë të reformës në drejtësi", u shpreh Basha. 

Kreu i opozitës kishte një ftesë të drejtpërdrejtë për deputetët e mazhorancës të mos përdoren politikisht nga Rama, ndërsa kujtoi se në mbështetje të opozitës kanë dalë tashmë hapur edhe eksponentë politikë të shumicës politike. Mësohet se për këtë draft opozita mbështetet nga kreu i PBDNJ-së, Vangjel Dule, ai i PDK-së si dhe dy deputetët e tjerë demokristianë, Mirela Ferracaku e Eduard Ndocaj.

“Sot i bëj thirrje deputetëve të mazhorancës të mos përdoren politikisht si mburojë nga njeriu që ka tmerr drejtësinë e pavaruar. PD ka bërë të gjitha përpjekjet për një drejtësi që nuk mbron por lufton krimin e korrupsionin, por një drejtësi që t'i shërbejë qytetarëve. Nëse ka kapje sipas draftit të Edi Ramës, nuk ka reformë. Nëse ka reformë, ajo do të bëhet sipas Komisionit të Venecias”, deklaroi kreu i PD, Lulzim Basha. 

Reforma në drejtësi nuk mund të bëhet pa implementimin në të, të nenin 88 të draftit final të Komisionit të Venecias, e për këtë demokratët duken të vendosur në qëndrimin e tyre.  Edhe një ditë parë përmes kryetarit të grupit parlamentar demokrat, opozita ka shpalosur të njëjtin qëndrim pas letrës së kreut të grupit të PS Gramoz Ruçi për ta futur draftin e drejtësisë në kalendarin e Kuvendit.

“Ajo që kërkojmë është ta përfundojmë këtë proces për t'i dhënë shqiptarëve drejtësinë që meritojnë ata dhe jo një peshqesh për Edi Ramën i cili ka 1001 arsye t'i trembet një drejtësie të pavarur, një gjyqësori të pavarur e një prokurorie të pavarur. Thirrja jonë mbetet zbatimi i plotë i rekomandimit nr. 88 të Komisionit Venecias. Refuzuesi është Edi Rama, armiku i drejtësisë së pavarur është Edi Rama”, u shpreh Basha.

 Redaksia Online
l.q/Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rriten investimet e huaja në vend, rekord në pasuri të patundshme! Kryesojnë Turqia, Italia dhe Holanda

Rriten investimet e huaja në vend, rekord në pasuri të patundshme! Kryesojnë Turqia, Italia dhe Holanda

26 Dhjetor, 17:54 nga Eliza Gjediku