Basha i ashpër me Berishën: Po kthen fantazmën e '97 që dogji Shqipërinë

Lulzim Basha ka folur me akuza të ashpra ndaj Sali Berishës, për të cilin thotë se po shfaqet si një fantazmë e së kaluarës. Sipas tij ai bëri shumë që të harrohej '97, por po rishfaqet sërish.

'Sali Berisha është sot problemi i PD-së, ai është pakica e dëshpëruar dhe si pakicë e dëshpëruar as sot nuk do ketë mundësi të marrë peng shumicën e demokratëve të cilët janë të vendosur që të shkojnë para dhe të lënë pas të shkuarën. Trekëndëshi i Bermudës e ka mbajt peng 31 vjet Shqipërinë. Ndaj nervoziteti i Sali Berishës po vjen duke u shtruar. Koha na mbaron të gjithëve ne, dhe dikush i madh në moshë, vjen e koritet. Në veri ka një shprehje 'Burri ka kohë me u korit'. Më vjen keq është koritur e shfaqet si një fantazmë e së kaluarës. Kjo është një situatë jashtëzakonisht e vështirë. Përballë njerëzve me precedentë kriminale që solli Sali Berisha, duke na kujtuar 97, me zellin e pangordhur të një ish-komunisti.' -tha Basha.

Lajmi kryesor:

Selia e PD me '2 parti'/ Basha: Berisha, burracak ish komunist, riktheu sot 'fantazmat' e vitit 1997, kopjoi 21 janarin! Mesazhi im për të, Ramën dhe Metën! Do të ketë të tjerë 'non grata' (VIDEO)

M.Q./Shqiptarja.com

TAG:
• lulzim basha
• PD
• sali berisha
• perplasja berisha basha
• Berisha pushton PD