TIRANE - Kryetari i Partisë Demokratike, Lulzim Basha, gjatë prezantimit të platformës 'Antimafia' një ditë më parë, kërcënoi disa prej sipërmarrësve më të mëdhenj në vend se kur të vijë PD në pushtet do t'u sekuestrojë pasuritë. Kjo pasi, siç u shpreh Basha, 11 biznesmenët të cilët ai i quajti oligarkë, kanë përfituar tendera publikë në mënyrë të paligjshme.
Në një reagim të tij, kryetari i grupit parlamentar socialist, Taulant Balla, thotë se ata të cilët Basha i quan "oligarkë" dhe se do iu sekuestrojë pasuritë, i kanë paguar kunatit të kryedemokratit 11 milionë dollarë. Balla akuzon Bashën se është kthyer në gjobëvënës ndaj sipërmarrjes private.
Opozita është gardiani i qeverisjes. Por sot në Shqipëri Kryetari i PD Lulzim Basha është një gjobvënës i rëndomtë i sipërmarrjes. 11 milionë dollarë gjobë/fatura kanë paguar tek kunati i Bashës kompanitë e “oligarkëve.
Postim i Taulant Ballës në Twitter
Postimi i Taulant Ballës në Twitter
Pas akuzave të Ballës, nuk vonoi reagimi i kryedemokratit Lulzim Basha i cili i cilwsoi shpifje dhe mashtrim deklaratat e kryetarit të grupit parlamentar socialist. Po nga Twitter-i, Basha shkruan se Rama ka angazhuar mercenarët për të mbrojtur pushtetin dhe paratë e Padronëve e të klientëve.
Ndërsa për kryeministrin Edi Rama, me sulmet ndaj sipërmarrjes, PD mori fund si alternativë qeverisëse dhe u kthye në parti gjobëvënëse.
Kryeministri Edi Rama i është përgjigjur akuzave të Lulzim Bashës lidhur me sipërmarrësit e denoncuar një ditë më parë nga krydemokrati. Rama shkruan se Basha e ktheu PD-në në parti gjobëvënëse. Sipas tij, me platformën e re të prezantuar një ditë më parë ku u sulmuan biznesmenët, PD tregoi se ka ngatërruar sistemin si dhe është kthyer në parti gjobëvënëse.
Kur një parti politike shpall si platformë dhunën verbale mbi sipërmarrësit ka ngatërruar sistemin ku vepron;ka harruar arsyen pse ekziston;ka marrë fund si alternativë qeverisëse e është kthyer në maskë gjobvënëse!Kur këtë parti pastaj e drejton LB ferra e ka marrë fare uratën.
Edi Rama, kryeministër
Maxhoranca dhe opozita janë përfshirë nga replikat lidhur me pretendimet e opozitës se qeveria ka dhënë tendera te disa sipërmarrës në shkelje me ligjin. Një ditë më parë kryetari i PD, Lulzim Basha denoncoi me emra biznesmenët që sipas tij kontrollojnë fondet publike, të cilët ai i quajti oligarkë. Ndërsa për maxhorancën, sulmet e PD janë tendencë për gjobënëvie ndaj sipërmarrjes në vend, duke sjellë në vëmendje se bizneset në fjalë i kanë paguar fatura kompanisë së kunatit të Lulzim Bashës plot 11 mln dollarë.
Pas akuzave të Taulant Ballës se kompanitë e biznesmenëvë të denoncuar nga Lulzim Basha një ditë më parë i kishin paguar si gjoba ose fatura kunatit të tij 11 mln dollarë, ka sjellë reagimin e kryedemokratit. Po nga Twitter-i, Basha i quan shpifje akuzat e kryetarit të grupit parlamentar socialist. Ai shkruan se Rama ka angazhuar mercenarët për të mbrojtur pushtetin dhe paratë e Padronëve e të klientëve.
Propaganda e Ramës i ka ndezur të gjithë motorrët. Shpifje e përbaltje nga shërbëtorët e mercenarët e Rames për të mbrojtur pushtetin dhe paratë e Padronit dhe klientëve të tij. Hendeku midis oborrit të Ramës dhe njerëzve të thjeshtë do të thellohet. Unë jam në anën e njerëzve!
Lulzim Basha, kryetar i PD
Gjatë prezantimit të platformës 'Antimafia' një ditë më parë, Lulzim Basha denoncoi me emra 11 sipërmarrësit më të mëdhenj në vend, të cilët sipas tij kanë marrë fonde publike në shkelje me ligjin. Kryetari i PD paralajmëroi se kur të vijë në pushtet do të sekuestrojë pasuritë e biznesmenëve të cilët ai i quajti oligarkë.
Komente
Lajme të tjera
-
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22 -
DEBATET/ Opozita vendos flamurin serb në Kuvend, Balla u kërkon ta heqin: Mos provokoni! Bardhi: Lërini patriotizmat, vidhni Shqipërinë
18 Nëntor, 18:48 -
Bonuset për pensionistët, Basha: Lëmosh elektorale për të fshehur dështimin me pensionet e qeverisë më të korruptuar në Europë
18 Nëntor, 12:55 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Balla takim me deputetin Shaip Kamberi në parlamentin serb: Kërkesat e shqiptarëve të Luginës së Preshevës duhet të respektohen
12 Nëntor, 16:22 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
'Dy qëndrimet e Ramës për reformën në drejtësi', Basha poston videon: Bashkë me Berishën po bëjnë gjithçka për të goditur SPAK
11 Nëntor, 22:37 -
Alban Daci: Më mirë vetëm se i keq shoqëruar
10 Nëntor, 22:19
-
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Balla takim me komunitetin shqiptar në Venecia: Vota e Diasporës, një hap i rëndësishëm për demokracinë shqiptare
9 Nëntor, 16:54
Te lumte Balla. Ndiqini keta me prokurori. Vetem keshtu do eci perpara Shqiperia.
PërgjigjuPo qe kunati i Bashes, kalon ne Rinas ne nje autobuz me vete ne dallim nga gjithe pjesa tjeter e pasagjereve te avionit, besoj e di mire Taulanti. Perse kunati i Bashes ka pashaporte diplomatike? Perse ne Rinas, Policia qe Duam i garanton ketij njeriu autobuzin me vete nderkohe qe pjesa tjeter e pasagjereve te te njejtit avion shtypen ne autobuzin tjeter? Taulanti te na sqaroje nje here kete ceshtje...
PërgjigjuBoll me thash e theme.Populli nuk ha e pi e vishet me mashtrimet tuaj.Kur Balla e kryeministri dine gjith keto;Pse nuk e cojne Bashen e njerezit e molepsur me vjedhie ,pran tij,te japen llogari para drejtesis.Ne te kundert ,Krieministri dhe Balla ,mashtrojne popullin per te mbush thaset e tyre me para ;Si dhe per te kenaqur egoizmin e tyre te c'frenuar.