Basha i shpreh shqetësimet zyrtarit
të DASH: Oligarkia, realiteti ynë sot
Kryetari i Partisë Demokratike, Lulzim Basha, priti Drejtorin për Çështjet e Europës Qendrore dhe Jugore në Departamentin amerikan të Shtetit, Thomas Yazdgerdi në një takim ku shprehu shqetësimin e thellë sipas tij të rrënimit nga mazhoranca në një vit e gjysëm të standardeve demokratike të arritura në 24 vite.
TIRANE - Kryetari i Partisë Demokratike, Lulzim Basha, priti Drejtorin për Çështjet e Europës Qendrore dhe Jugore në Departamentin amerikan të Shtetit, Thomas Yazdgerdi në një takim ku shprehu shqetësimin e thellë sipas tij të rrënimit nga mazhoranca në një vit e gjysëm të standardeve demokratike të arritura në 24 vite.
Kryetari Basha e informoi Yazdgerdi për asgjësimin e instrumentave të mbikqyrjes parlamentare dhe sulmet fizike me skenarë të mirëorganizuar nga kryeministri, me anë të deputetëve me të shkuar kriminale, ku sipas Bashës gjenden enkas në Kuvend për të kërcënuar fjalën e lirë.
Basha i bëri të ditur zyrtarit amerikan se në kundërshtim me Kushtetutën dhe vendimet e Gjykatës Kushtetuese, mazhoranca refuzoi tre kërkesa radhazi të opozitës për të ngritur komision hetimor për shitblerjen e votave në Korçë, vjedhjen e miliona të dhënave të serverit të tatimeve, si dhe për të hetuar mekanizmin e emërimeve kriminale.
Ndër të tjera Kryetari i PD i shprehu përfaqësuesit të DASH alarmin për kapjen e institucioneve të pavarura nga dyshja Rama-Meta dhe rritjen e presionit ndaj gjykatave.
“Pushteti absolut oligarkik dhe shteti arbitrar, e jo demokracia dhe shteti ligjor është realiteti që po instalon në vend kjo dyshe.” tha Basha.
Basha vijoi shqetësimet e opozitës ku u ndal edhe tek dhunimet masive të të drejtave dhe lirive themelore të qytetarëve, dhunimin e banesës, veprimet në kundërshtim me ligjin dhe urdhrat e vendimet e gjykatave dhe shoqërimet e paligjshme në polici deri të fëmijëve të mitur, si dhe natyrën sipas tyre thellësisht selektive dhe arbitrare të fushatave të ndërmarra nga ekzekutivi.
Në takim kryetari i opozites vuri në pah faktin se media dhe shoqëria civile janë nën trysninë e vazhdueshme të qeverisë.
Basha theksoi se opozita kërkon prej muajsh normalizimin e jetës parlamentare përmes funksionimit të Parlamentit sipas rregullores e Kushtetutës dhe cmontimit të mekanizmit që promovon të inkriminuarit nga administrata deri në Parlament.
Duke i bërë të ditur zyrtarit të lartë amerikan se rrënimi i standarteve demokratike po rrezikon bashkëjetesën demokratike në vend, kryetari i opozitës shprehu bindjen se monitorimi dhe asistenca e partnerëve tanë strategjikë do të kontribojnë në rikthimin e stabilitetit politik të vendit.
Basha rikthesoi qëndrimin e Partisë Demokratike se harta territoriale e miratuar nga shumica ka për synim kapjen e zgjedhjeve në tavolinë dhe deformimin e vullnetit dhe të drejtës së qytetarëve për një qeverisje sa më afër tyre.
Redaksia Online
(e.c/shqiptarja.com)
Sondazhi i ditës:
A justifikohen aktet e dhunes gjatë një proteste politike?
-
Po
19.9%
-
Jo
75.5%
-
Nuk e di
4.5%
Vota total: 2071
Votat totale janë unike
Lajme të tjera
-
Presidenti Zelensky takim në Paris me Emmanuel Macron
10 Tetor, 07:54
-
Erdogan sot në Tiranë, anulohet seanca plenare në Kuvend! PD kishte paralajmëruar kaos
10 Tetor, 07:52
-
Erdogan sot në Tiranë, ‘blindohet’ kryeqyteti! Ja rrugët që bllokohen dhe oraret
10 Tetor, 07:41
-
VIDEO/Uragani Milton goditi Floridën, rrugët të 'pushtuara' nga uji dhe shtëpi të shkatërruara
10 Tetor, 07:33
-
Presidenti Erdogan sot në Tiranë, inaugurohet xhamia e Namazgjasë! Pritet me ceremoni nga Begaj, takim kokë më kokë me Ramën (AXHENDA)
10 Tetor, 07:17
-
Në punë është një ditë ideale për të përfunduar projekte ambicioze, horoskopi për sot
10 Tetor, 07:10
-
LIVE-Uragani Milton mbërrin në Florida, rreth 2 mln shtëpi e biznese pa energji elektrike! Ka viktima
10 Tetor, 06:57
-
'Lëre detyrën e bëj si themi ne!' Polici bashkiak i Vlorës dhunohet se gjobiti furgonin e linjës! Zbardhet dëshmia, tregon dhunuesit (EMRAT)
9 Tetor, 23:46
-
Kampet e emigrantëve në Shqipëri? Vetëm për afrikanët nga Bregu i Fildishtë! Vijnë më pak se 5 vite më parë! Alternativa për qeverinë italiane? Të thyejë ligjin
9 Tetor, 23:18
-
Shtetet që do të përcaktojnë fituesin e garës për Shtëpinë e Bardhë
9 Tetor, 22:57
-
'Skifteri’ shqiptar u vidhte italianëve kartat bankare ATM dhe bënte blerje ‘inteligjente’! Arrestohet 30-vjeçari me precedentë, akuzë për mashtrim kompjuterik
9 Tetor, 22:52
-
VIDEOLAJM/ Uragani Milton drejt Floridës, Biden: Do të jetë stuhia e shekullit
9 Tetor, 22:51